یو این آئی
ہوبارٹ//واشنگٹن سندر (ناٹ آؤٹ 49) کی شاندار اننگز کی بدولت ہندوستان نے اتوار کو تیسرے ٹی ٹوئنٹی میں آسٹریلیا کو پانچ وکٹوں سے شکست دے کر پانچ میچوں کی سیریز 1-1 سے برابر کر دی۔ آسٹریلیا کے 186 کے جواب میں ہندوستان نے 18.3 اوور میں پانچ وکٹ پر 188 رنز بنا کر میچ جیت لیا۔ سندر کی میچ وننگ اننگ 23 گیندوں پر ناقابل شکست 49 رنز میں تین چوکے اور چار چھکے شامل تھے۔ جیتیش شرما نے صرف 13 گیندوں پر تین چوکوں سمیت ناقابل شکست 22 رنز کے ساتھ ان کا بھرپور ساتھ دیا۔ جتیش نے ہندوستان کے لیے جیت کا چوکا لگایا۔ مشکل ہدف کے تعاقب میں ہندوستان کی اوپننگ جوڑی ابھیشیک شرما اور شبھمن گل نے پہلی وکٹ کے لیے 33 رنز جوڑے۔ ہندوستان کی پہلی وکٹ چوتھے اوور میں گری جب ابھیشیک شرما (25) 16 گیندوں پر آؤٹ ہوئے۔ انہوں نے اپنی اننگز میں دو چھکے اور دو چوکے لگائے۔ انہیں نیتھن ایلس نے آؤٹ کیا۔ ایلس نے چھٹے اوور میں شبھمن گل (15) کو بھی آؤٹ کیا۔ کپتان سوریہ کمار یادیو اور تلک ورما نے پھر تیزی سے رنز بناتے ہوئے اننگز کو مستحکم کرنے کی کوشش کی۔ مارکس اسٹونیس نے آٹھویں اوور میں سوریہ کمار یادیو کو آؤٹ کرکے ہندوستان کی تیسری وکٹ حاصل کی۔ سوریہ کمار یادیو نے 11 گیندوں پر دو چھکے اور ایک چوکا لگا کر 24 رنز بنائے۔ اکشر پٹیل 12 گیندوں پر 17 رنز بنا کر آؤٹ ہوئے۔ اکشر پٹیل کے آوٹ ہونے کے بعد سندر نے تلک ورما کے ساتھ پانچویں وکٹ کے لیے 34 رنز جوڑے۔ تلک ورما 26 گیندوں پر ایک چوکا اور ایک چھکا لگا کر 29 رنز بنا کر آؤٹ ہوئے۔ تاہم پھر سندرنے جیتیش کے ساتھ مل کر ہندوستان کو فتح تک لے گئے۔ آسٹریلیا کی جانب سے نیتھن ایلس نے 36 رنز کے عوض تین وکٹیں حاصل کیں۔ مارکس اسٹوئنس اور زیویئر بارٹلیٹ نے ایک ایک بلے باز کو آؤٹ کیا۔ آسٹریلیا کی اننگز میں تین وکٹیں لینے والے ارشدیپ سنگھ کو پلیئر آف دی میچ کا ایوارڈ ملا۔ اس سے قبل ٹم ڈیوڈ (74) اور مارکس اسٹونیس (64) کی نصف سنچریوں کی بدولت آسٹریلیا نے 186 رن بنائے تھے۔ ہندوستان نے ٹاس جیت کر پہلے گیند بازی کا فیصلہ کیا۔ آسٹریلیا کی شروعات خراب رہی، 14 رنز پر دو وکٹیں گر گئیں۔ ٹریوس ہیڈ (6) اور جوش انگلس کو ایک ایک رن پر ارشدیپ سنگھ نے آؤٹ کیا۔ بیٹنگ کے لیے آئے ٹم ڈیوڈ نے کپتان مچل مارش کے ساتھ مل کر اننگز کو مستحکم کیا اور تیزی سے رنز بنائے۔ دونوں بلے بازوں نے تیسری وکٹ کے لیے 59 رنز جوڑے۔ ورون چکرورتی نے نویں اوور میں مچل مارش (11) کو آؤٹ کر کے شراکت کا خاتمہ کیا۔ ورون نے اسی اوور میں مچل اوون (0) کو بھی آؤٹ کیا۔ اگلے بلے بازی کے لیے آنے والے مارکس اسٹونیس نے ٹم ڈیوڈ کے ساتھ شاندار اننگ کھیلی، جس سے ٹیم کا اسکور 118 تک پہنچا۔ اسی دوران شیوم دوبے نے ٹم ڈیوڈ کو تلک ورما کے ہاتھوں کیچ کروا کر ہندوستان کو پانچویں وکٹ دلائی۔ ٹم ڈیوڈ نے 38 گیندوں پر پانچ چھکوں اور آٹھ چوکوں کی مدد سے 74 رنز بنائے۔ ارشدیپ سنگھ نے 20ویں اوور میں مارکس اسٹونیس کو آؤٹ کر کے اپنی تیسری وکٹ حاصل کی۔ مارکس اسٹونیس نے 39 گیندوں میں آٹھ چوکے اور دو چھکے لگائے۔ آسٹریلیا نے مقررہ 20 اوورز میں 6 وکٹ پر 186 رنز بنائے۔ میتھیو شارٹ 26 اور زیویئر بارٹلیٹ تین رنز بنا کر ناٹ آؤٹ رہے۔ ہندوستان کی جانب سے ارشدیپ سنگھ نے تین وکٹیں حاصل کیں۔ ورون چکرورتی نے دو وکٹیں حاصل کیں۔ شیوم دوبے نے ایک بلے باز کو آؤٹ کیا۔
