عظمیٰ نیوز سروس
سرینگر// وادی کشمیر میں شبانہ درجہ حرارت لگاتار نقطہ انجماد سے نیچے درج ہو رہا ہے جس کی وجہ سے پوری وادی سردی کی لپیٹ میںآگئی ہے ۔اس دوران گرمائی دارلحکومت سرینگر میں ایک اور سرد رات ریکارڈ ہوئی ۔محکمہ موسمیات کے مطابق سرینگر میں شبانہ درجہ حرارت منفی1.6 ڈگری سینٹی گریڈ ریکارڈ ہوا اور اس طرح رواں سیزن کی اب تک کی سرد ترین رات ریکارڈ ہوئی ہے ۔سرینگر میں گذشتہ شب کا درجہ حرارت منفی0.4 ڈگری سینٹی گریڈ درج ہوا تھا۔ گلمرگ اور پہلگام میں شبانہ درجہ حرارت بالترتیب منفی 1.0 اور منفی3.8 ڈگری سینٹی گریڈ ریکارڈ ہوا ہے ۔سرحدی ضلع کپوارہ میں کم سے کم درجہ حرارت منفی2.0 ڈگری سینٹی گریڈ جبکہ قاضی گنڈ میں کم سے کم درجہ حرارت منفی1.5 ڈگری درج ہواہے ۔ضلع بڈگام وادی کا سرد ترین علاقہ رہا ہے جہاں شبانہ درجہ حرارت منفی4.2 ڈگری سینٹی گریڈ جبکہ گاندربل میں شبانہ درجہ حرارت منفی1.7 ڈگری درج ہوا ہے ۔جنوبی کشمیر کے شوپیان اور کولگام اضلاع میں شبانہ درجہ حرارت بالترتیب منفی4.1 اور منفی1.1 ڈگری سینٹی گریڈ ریکارڈ ہوا ۔شمالی کشمیر کے بارہمولہ اور بانڈی پورہ اضلاع میں کم سے کم درجہ حرارت بالترتیب منفی3.2 اور منفی2.6 ڈگری درج ہوا ہے ۔ سونہ مرگ میں کم سے کم درجہ حرارت 2.9 ڈگری سینٹی گریڈ ریکارڈ ہوا ہے ۔جموں صوبے میں سرد ترین علاقہ بانہال رہا ہے جہاں کم سے کم درجہ حرارت منفی0.5 ڈگری سینٹی گریڈ ریکارڈ ہوا ہے ۔جموں شہر میں 10 ڈگری، کٹرہ شہر میں 9، بٹوٹ میں 4.5 اور بھدرواہ میں 1.2 درجہ حرارت ریکارڈ کیا گیا۔محکمہ موسمیات نے وادی میں 16 نومبر تک موسم خشک رہنے کی پیش گوئی کی ہے ۔
