محمد بشارت
ریاسی//ریاسی ضلع کے تعلیمی زون چسانہ میں درجنوں سرکاری سکولوں کی خستہ حالی کی وجہ سے زیر تعلیم بچوں کا مستقبل خراب ہونے کی دہلیز تک پہنچ چکا ہے ۔مقامی لوگوں نے سرکاری سکولوں میں محکمہ کی جانب سے بچوں کو فراہم کردہ سہولیات پر سوالیہ نشان لگاتے ہوئے کہاکہ ان کے بچوں کے مستقبل کیساتھ کھلواڑ کی جارہی ہے ۔
Related
پیٹرول پمپ سرنکوٹ تا پمروٹ پل سڑک کی حالت خستہانہوں نے بتایا کہ چسانہ کی پنچایت طولی لوہر کی وارڈ نمبر چار میں قائم کردہ گور نمنٹ پرائمری سکول چٹی بٹی کی عمارت غیر محفوظ ہو کر گہرنے کی دہلیز پرپہنچ چکی ہے جس سے نو نہالوں کی زندگیوں کو شدید خطرہ لائق ہے لیکن اس کے باوجود بھی متعلقہ حکام کی جانب سے کوئی دھیان ہی نہیں دیا جارہا ہے ۔نائب سرپنچ آصف شیخ عطاری نے کشمیر عظمیٰ کو بتایا کہ سرکاری سکول کی عمارت غیر محفوظ ہے اور کسی بھی وقت کوئی بڑا حادثہ رونما ہو سکتا ہے ۔
موصوف نے بتایا کہ سکول میں زیر تعلیم 21بچوں کی زندگی خطرے میں ہے لیکن متعلقہ محکمہ اس سلسلہ میں سنجیدہ نہیں ہے ۔والدین و مقامی لوگوں نے جموں و کشمیر کے لیفٹیننٹ گورنر سے اپیل کرتے ہوئے کہاکہ چسانہ تعلیمی زون کے سرکاری سکولوں کا معائینہ کروایا جائے تاکہ عمارتوں کی حالت اور بچوں کو حاصل سہولیات کے بارے میں معلوم کیاجاسکے ۔انہوں نے مانگ کرتے ہوئے مذکورہ سرکاری سکول کی عمارت کی تعمیر نو کیلئے متعلقہ حکام کو ہدایت جاری کی جائیں ۔
