یو این آئی
نئی دہلی//ہندوستان میں مسافر گاڑیوں کی فروخت میں اکتوبر میں تہوار کے موسم اور گڈز اینڈ سروسز ٹیکس (جی ایس ٹی)میں ریلیف کی وجہ سے زبردست اضافہ دیکھا گیا، جس میں ماروتی سوزوکی، ٹاٹا موٹرز، اور کیا انڈیا نے ماہانہ فروخت کے نئے ریکارڈ قائم کیے ہیں۔ملک کی سب سے بڑی مسافر گاڑیاں بنانے والی کمپنی ماروتی سوزوکی کی گھریلو فروخت 180,675یونٹس تک پہنچ گئی، جو کمپنی کے لیے ایک نیا ماہانہ فروخت کا ریکارڈ ہے۔ برآمدات 31,304یونٹس تھیں، اور ماروتی کے ڈیلر نیٹ ورک کے ذریعے فروخت ہونے والی دیگر مینوفیکچررز کی گاڑیاں 8,915 یونٹس تھیں۔کمپنی نے اکتوبر میں 85,210 کاریں، 77,571 یوٹیلیٹی گاڑیاں اور 13,537 وینز کی فروخت کی اطلاع دی۔مہندرا آٹو کی یوٹیلیٹی گاڑیوں کی گھریلو فروخت اکتوبر میں 31 فیصد بڑھ کر 71,624 یونٹس ہوگئی۔ کمرشل گاڑیوں کی فروخت 18 فیصد اضافے کے بعد 44,503 یونٹس تک پہنچ گئی۔ برآمدات 15 فیصد بڑھ کر 4,015 یونٹس ہوگئیں۔ہونڈائی موٹرز انڈیا لمٹیڈ نے اکتوبر میں گھریلو مارکیٹ میں 53,792گاڑیاں فروخت کیں۔ برآمدات سال بہ سال 11 فیصد بڑھ کر 16,102 یونٹس ہوگئیں، جس سے کل فروخت 69,894 یونٹس ہوگئی۔ کمپنی نے اپنے کریٹا اور وینیو ماڈلز کی 30,119 یونٹس کی مشترکہ فروخت کی اطلاع دی، جو اس کی دوسری سب سے زیادہ ماہانہ فروخت ہے۔ٹاٹا موٹرز کی کل مسافر گاڑیوں کی فروخت اکتوبر میں 27 فیصد سے زیادہ بڑھ کر 61,295 یونٹس ہوگئی، جس میں گھریلو فروخت 61,134 یونٹس رہی۔ کمپنی نے مسلسل دوسرے مہینے ریکارڈ فروخت کی اطلاع دی۔ الیکٹرک گاڑیوں کی فروخت سال بہ سال 73 فیصد بڑھ کر اب تک کی بلند ترین سطح پر پہنچ گئی۔ کمپنی نے نوراتری اور دیوالی کے درمیان 100,000 سے زیادہ گاڑیاں فراہم کیں، جو پچھلے سال کے مقابلے میں 33 فیصد زیادہ ہے۔ٹاٹا موٹرز کی کل تجارتی گاڑیوں کی فروخت 10 فیصد بڑھ کر 37,530 یونٹس ہوگئی۔ گھریلو فروخت میں 7 فیصد اور برآمدات میں سال بہ سال 56 فیصد اضافہ ہوا۔ ملکی فروخت 35,108 یونٹس اور برآمدات 2,422 یونٹس رہی۔ٹویوٹا کرلوسکر موٹر کی کل فروخت سال بہ سال 39 فیصد بڑھ کر 42,892یونٹس ہوگئی۔ ان میں سے ملکی فروخت 40,257یونٹس اور برآمدات 2,635یونٹس تھیں۔Kia India کی فروخت سال بہ سال 30 فیصد بڑھ کر 29,556 یونٹس تک پہنچ گئی، جو اس کی بہترین ماہانہ کارکردگی بھی ہے۔ رواں مالی سال کے پہلے سات مہینوں میں اکتوبر تک فروخت 10 فیصد اضافے سے 236,138 یونٹس تک پہنچ گئی۔
