نئی دہلی // حکومت نے مرکزی حکومت کے ملازمین کے مہنگائی بھتے میں 3فیصد اضافہ کرنے کا فیصلہ کیا ہے جس کی وجہ سے مہنگائی بھتے کی شرح بڑھ کر34فیصد ہوگئی ہے۔ اس اضافے کا اطلاق یکم جنوری سے ہوگا۔وزیر اعظم نریندر مودی کی صدارت میں بدھ کے روز یہاں منعقدہ مرکزی کابینہ کی میٹنگ میں اس سلسلے میںاس تجویز کو منظوری دی گئی۔تجویز میں مرکزی حکومت کے ملازمین کیلئے مہنگائی بھتہ ( ڈی اے) اور پنشنرز کیلئے مہنگائی ریلیف (ڈی آر)کی اضافی قسط جاری کرنے کی منظوری دی گئی ، جو یکم جنوری سے لاگو ہوگی۔حکومت کا کہنا ہے کہ یہ اضافہ منظور شدہ اصولوں کے مطابق ہے، جو ساتویں مرکزی پے کمیشن کی سفارشات پر مبنی ہے۔مہنگائی بھتہ اور مہنگائی ریلیف کی وجہ سے سرکاری خزانے پر 9,544.50 کروڑ روپے کا مشترکہ اثر پڑے گا۔ اس سے تقریباً 47.68 لاکھ مرکزی حکومت کے ملازمین اور 68.62 لاکھ پنشن یافتگان کو فائدہ پہنچے گا۔
مرکزی ملازمین کو راحت مہنگائی بھتہ میں 3 فیصداضافہ
