سرینگر/مرکزی وزیر داخلہ امیت شاہ نے کہا کہ اپریل سے شروع ہونے والے مالی سال میں ہندوستان کی معیشت کے 6.5 فیصد تک سست ہونے کا اندازہ ہیَ ۔ انہوں نے کہا کہ ہندوستان ایک عالمی سوپر پاور کے طور پر ابھرنے کے لیے تیار ہے۔سی این آئی کے مطابق مرکزی وزیر داخلہ امیت شاہ نے اقتصادی سروے 2023 کی تعریف کی ہے۔ انہوں نے کہا کہ یہ سروے اس بات کا ثبوت ہے کہ تجربہ کار کپتان پی ایم مودی نے وبا کی طوفانی لہروں سے لڑکر معیشت کے جہاز کو سیدھے طریقے سے راستہ دکھایا ہے۔ شاہ نے ٹوئٹ کیا کہ جب دنیا مندی کا سامنا کررہی ہے، تو سبھی سیکٹرس میں ترقی اور امید دکھائی دیتی ہے کہ ہندوستان ایک عالمی سوپر پاور کے طور پر ابھرنے کے لیے تیار ہے۔مرکزی وزیر داخلہ امیت شاہ نے کہا کہ اپریل سے شروع ہونے والے مالی سال میں ہندوستان کی معیشت کے 6.5 فیصد تک سست ہونے کا اندازہ ہے، لیکن اس کے بعد بھی یہ دنیا کی سب سے تیزی سے بڑھتی اہم معیشت بنی رہے گی کیونکہ اس نے دنیا کے سامنے آنے والے غیر معمولی چیلنجوں سے نمٹنے میں بہتر مظاہرہ کیا ہے۔اقتصادی سروے 2023 کے مطابق، ہندوستان کو 24-2023 میں جی ڈی پی میں 6.0 فیصدی سے 6.8 فیصدی کا اضافہ درج کرنا ہے، جو عالمی سطح پر اقتصادی اور سیاسی ترقی کی بنیاد پر ہے۔ اس امید افزا اضافہ کا اندازہ کئی مثبت باتوں سے پیدا ہوا ہے۔ ان میں مثبت چیزیں شامل ہیں جیسے کہ نجی کھپت میں اضافہ، پیداواری سرگرمیوں کو بڑھانا، زیادہ سرمایہ خرچ-کیپیکس، یونیورسل امیونائزیشن کوریج، لوگوں کو رابطہ پر مبنی خدمات جیسے ریستوران، ہوٹل، شاپنگ مالز پر خرچ کرنے کے قابل بنانا۔اس کے ساتھ ترقی کے لیے تعمیراتی مقام پر کام کرنے کے لیے شہروں میں مائیگرینٹ مزدوروں کی واپسی کو یقینی بنانے، جس سے کہ ہاؤسنگ مارکیٹ کی انوینٹریوں میں نمایاں کمی کے ساتھ ساتھ کارپوریٹس کی بیلنس شیٹ کو مضبوط کرنا، اچھی سرمایہ کاری والے پبلک سیکٹر بینکوں کو کریڈٹ کی فراہمی اور مائیکرو، چھوٹے اور درمیانے درجے کے کاروباری اداروں (ایم ایس ایم ای) سیکٹر کو قرضے کی فراہمی پر اور اسے بڑھانے کے لیے کام کیے جانے ہیں۔( یو این آئی )
