نیوز ڈیسک
سرینگر//اِنتظامی کونسل کی ایک میٹنگ یہاں لیفٹیننٹ گورنر منوج سِنہا کی صدارت میں منعقد ہوئی جس میں ہوٹل کارپوریشن آف اِنڈیا لمٹیڈ کے سنتور لیک ویو ہوٹل سرینگر میں کام کرنے والے 145 ملازمین کو محکمہ سیاحت کی مختلف کارپوریشنوں میں شامل کرنے کومنظور ی دی۔
Related
باغ گلِ لالہ آج سے بند ، ایک ماہ میں4لاکھ25ہزارکی سیر
میٹنگ میں یہ فیصلہ کمیٹی کی سفارشات پر لیا گیا کہ ہوٹل کارپوریشن آف انڈیا لمیٹڈ کے موجودہ عملے کو شرائط و ضوابط پر جموں و کشمیر یوٹی میں ضم کیا جائے گاجبکہ اس مدت میں ملازمین کے ریٹائرمنٹ گریجویٹی اور دیگر فوائد کی ادائیگی ایچ سی آئی برداشت کرے گی جس مد ت کے دوران ان ملازمین نے ایچ سی آئی کے ساتھ کام کیا تھا۔ہوٹل کارپوریشن آف اِنڈیا کے پاس یکم مئی 2023ء تک سنتور لیک ویو ہوٹل کے 145 مستقل ملازمین ہیں جو جموںوکشمیر ٹوراِزم ڈیولپمنٹ کارپوریشن لمٹیڈ ، جموںوکشمیر کیبل کارکارپوریشن لمٹیڈ اور شیرِ کشمیر اِنٹرنیشنل کنونشن سینٹر سر ینگر میں موجودہ شرائط وضوابط پر کام کریں گے ۔ ان کی ضروریات اور صلاحیت محکمہ سیاحت طے کرے گا۔
