سرینگر// حج پالیسی 2023 کا اعلان کرتے ہوئے، حج کمیٹی آف انڈیا (ایچ سی او آئی) نے آج کہا کہ اس حج درخواست فارم تین دن کے بعد دستیاب ہوں گے اور اس کے لیے کوئی فیس نہیں ہوگی۔حج کمیٹی کے رکن انجینئر اعجاز حسین نے کہا کہ کمیٹی کے ایک اہم اجلاس کے بعد، یہ فیصلہ کیا گیا کہ اس سال ملک بھر میں عازمین کے لیے 25 مراکز بنائے جائیں گے اور حج درخواست فارم تین دن کے اندر دستیاب کرائے جائیں گے۔انہوںنے یہ بھی کہا کہ حج کمیٹی نے وی آئی پی کوٹہ ختم کرنے کا بھی اعلان کیا جس کے تحت معززین کوٹہ کے تحت پانچ سے دس حجاج کرام کو رہائش فراہم کرنے کا حق ہے، “اب سے کوئی وی آئی پی کوٹہ نہیں ہوگا،” ۔سعودی حکومت کے درمیان مکمل بات چیت کے بعد یہ فیصلہ کیا گیا کہ اس سال 1,75000 سے زائد عازمین حج 2023 کا مقدس فریضہ ادا کریں گے۔انہوں نے کہا کہ حج 2023 کو پچھلے سالوں کے مقابلے سستا بنایا جائے گا۔
حج 2023کا اعلان فارم 3روز کے اندر مفت فراہم ہونگے
