جموں میں فائرنگ | مجرم زخمی،ساتھی گرفتار

عظمیٰ نیوزسروس
جموں//جموں کے میراں صاحب علاقے میں جمعہ کی شام ایک گینگسٹر کو زخمی جبکہ دوسرے کو گرفتار کر لیا گیا۔ایک پولیس افسر نے بتایا کہ ایک بدنام زمانہ مجرم، جوابی کارروائی میں زخمی گینگسٹر اور ایک اور مطلوب گینگسٹر کو جموں پولیس نے میراں صاحب میں گرفتار کیا۔انہوں نے کہا کہ اسلحہ برآمد ہوا جبکہ ایف آئی آر پولیس تھانہ میراں صاحب میں درج کرائی گئی۔انہوں نے مزید کہا کہ جموں پولیس کو قابل اعتماد اطلاع ملی کہ کٹر مجرم پرمجیت سنگھ، جسے جنگی کے نام سے بھی جانا جاتا ہے، ڈرپٹے کے دیوی داس کا بیٹا ساکن آر ایس پورہ نامعلوم ساتھی کے ہمراہ تھانہ میراں صاحب کی حدود میں مسلح ہو کر سنگین جرم کے ارتکاب کے ارادے میں موجود تھا۔انہوںنے کہا’’تیز رفتاری سے کام کرتے ہوئے، میراںصاحب سے ایک پولیس ٹیم جائے وقوعہ کی طرف روانہ ہوئی۔ پہنچنے پر، پرمجیت سنگھ نے پولیس پر گولی چلائی، جس سے انہوں نے اپنے دفاع میں جوابی فائرنگ کی۔ اس کے بعد علاج کے لیے جی ایم سی ہسپتال جموں منتقل کیا گیا۔نامعلوم ساتھی کو گرفتار کیا گیا اور بعد میں اس کی شناخت بدنام زمانہ مطلوب مجرم ارجن کمار کے طور پر کی گئی جسے بلو ولد شام لال کے نام سے بھی جانا جاتا ہے جو کہ اصل میں اکھنور کا رہنے والا ہے اور اس وقت جموں کے سلہار کوٹھی ارنیا میں مقیم ہے‘‘۔پولیس نے بدمعاشوں سے اسلحہ اور گولہ بارود برآمد کرلیا۔پولیس سٹیشن میراں صاحب میں قانون کی متعلقہ دفعات کے تحت فرسٹ انفارمیشن رپورٹ درج کر لی گئی ہے، اور مزید تفتیش جاری ہے ۔