عظمیٰ نیوز سروس
سرینگر//پرنسپل سکریٹری اے پی ڈی شیلندر کمار نے کل محکمہ زراعت میں ڈائریکٹروں، جوائنٹ ڈائریکٹروں، صوبائی سربراہان، سکیم سربراہان، محکمہ حیوانات، بھیڑ پالنے اور ماہی پروری کے شعبہ کے افسران کی ایک میٹنگ میں ہولیسٹک ایگریکلچر ڈیولپمنٹ پروگرام (HADP)، CAPEX اور CSS کے تحت جسمانی/مالی کامیابیوں کا جائزہ لیا۔میٹنگ کے دوران ہولیسٹک ایگریکلچر ڈویلپمنٹ پروگرام (HADP) کے تحت منصوبوں پر عمل درآمد کے حوالے سے تفصیلی تبادلہ خیال کیا گیا۔ محکمہ حیوانات، بھیڑ پالنے اور ماہی پروری کے محکمے کے ذریعہ مختلف مرکزی اسپانسر شدہ اسکیمیں لاگو کی جارہی ہیں۔ شیلندر کمار نے HADP اور CAPEX اور CSS کے مختلف منصوبوں کے تحت فنڈز کے تیز رفتار اور منصفانہ خرچ کی اہمیت کو اجاگر کیا۔ انہوں نے افسران سے کہا کہ ایچ اے ڈی پی پروجیکٹوں کے تحت مختص فنڈز، مرکزی اسپانسر شدہ اسکیموں کے مختلف اجزاء کو مقررہ مدت میں خرچ کیا جانا چاہیے۔ انہوں نے تمام اخراجات کے دوران شفافیت اور جوابدہی کی اعلیٰ ترین سطح کو برقرار رکھنے کی اہمیت کا اعادہ کیا۔پرنسپل سکریٹری اے پی ڈی نے افسران کو ہدایت دی کہ وہ ہر علاقے کے کسانوں تک پہنچیں اور انہیں ان شعبوں میں جدید ترین کسان دوست ٹیکنالوجیز کے ذریعے HADP کے بارے میں آگاہ کریں۔ انہوں نے افسران سے کہا کہ وہ کسان برادریوں کے ساتھ مل کر کام کریں تاکہ نچلی سطح پر مختلف پروجیکٹوں کی کامیابی سے عمل آوری کی جاسکے۔میٹنگ میں مشن ڈائرکٹر HADP راہل یادو، سکریٹری APD ، اسپیشل سکریٹری APD شفاعت اقبال، ڈائریکٹر فائنانس اے پی ڈی ہمکنت پراشر، ڈائریکٹر فائنانس اے پی ڈی تبسم، ڈائریکٹر زراعت ،ڈائریکٹر شیپ ہسبنڈری کشمیر، ڈائریکٹر انمیل ہسبنڈری کشمیر، ڈائریکٹر فشریز اور متعلقہ محکموں کے دیگر افسران نے شرکت کی ۔
