تین ہفتوں کے بعد پٹرول اور ڈیزل کی قیمتیں مستحکم

نئی دہلی//پٹرول اور ڈیزل کی قیمتوں میں تین ہفتوںسے جاری اضافے کاسلسلہ اتوار کو رک ہوگیا۔ملک کی سب سے بڑی آئل مارکیٹنگ کمپنی انڈین آئل کارپوریشن کے مطابق، دہلی میں اتوار کو پٹرول کی قیمت 80.38 روپے فی لیٹر پر مستحکم رہی، یہ 27 اکتوبر 2018 کے بعد کی بلند ترین سطح ہے ۔ ڈیزل کی قیمت میں بھی 80.40 روپے فی لیٹر کی ریکارڈ سطح پر کوئی تبدیلی نہیں ہوئی۔ڈیزل کے دام 7 جون سے لگاتار 21 دن تک بڑھنے کے بعد صارفین کو راحت ملی ہے ۔ ان 21دنوں میں پٹرول کی قیمتوں میں بھی 20 مرتبہ اضافہ کیا گیا۔ تین ہفتوں میں، دہلی میں پٹرول 9.12 روپے یعنی 12.80 فیصد اور ڈیزل 11.01 روپے یعنی 15.87 فیصد مہنگا ہوا۔کولکتہ، ممبئی اور چنئی میں پٹرول کی قیمتیں بالترتیب 82.05 ، 87.14 روپے اور 83.59 روپے فی لیٹر پر مستحکم رہیں۔ڈیزل بھی بغیر کسی تبدیلی کے کولکتہ میں 75.52 روپے ، ممبئی میں 78.71 روپے اور چنئی میں 77.61 روپے فی لیٹر فروخت ہوا۔ملک کے چار بڑے میٹرو میں پٹرول اور ڈیزل کی قیمت (فی لیٹر میں) اس طرح رہی۔