مشتاق الحسن،فیاض بخاری
گلمرگ// ضلع مجسٹریٹ بارہمولہ منگا شرپا کا کہنا ہے کہ گلمرگ میں 21 فروری سے شروع ہونے والی کھیلو انڈیا کے سرمائی کھیلوں میں حصہ لینے والے کھلاڑیوں کی سہولیت کے لئے تمام تر انتظامات کو حتمی شکل دی گئی ہے اور اس سلسلے میں گلمرگ سڑک سے برف ہٹانے کا کام بھی زوروں سے جاری ہے ۔انہوں نے کہا کہ ضلع کی تمام چھوٹی بڑی سڑکوں سے برف ہٹانے کا کام جنگی بنیادوں پر جاری ہے ۔موصوف ضلع مجسٹریٹ نے پیر کے روز گلمرگ جہاں بھاری برف باری ہوئی ہے ، میں میڈیا کے ساتھ بات کرتے ہوئے کہا: ‘کھیلو انڈیا کے سرمائی کھیلوں کا چوتھا ایڈیشن شروع ہو رہا ہے اور کھلاڑیوں کا آج سے ہی مرحلہ وار طریقے سے یہاں آنے کا سلسلہ شروع ہوگا’۔
