یو این آئی
نئی دہلی//پبلک سیکٹر کی ٹیلی کام کمپنی بھارت سنچار نگم لمیٹڈ (بی ایس این ایل) نے منگل کو اسپیم بلاکرز سے لے کر خودکار سم کیوسک اور ڈائریکٹ ٹو ڈیوائس خدمات تک کئی نئی پیشکشیں اور سروس شروع کی ہیں۔ بی ایس این ایل نے میڈ اِن انڈیا آلات اور بی ایس این ایل کی تکنیکی مہارت کا فائدہ اٹھاتے ہوئے سی ڈیک کے ساتھ شراکت میں کان کنی کے کاموں کے لیے کم لیٹنسی 5G کنیکٹیویٹی بھی شروع کی۔وزیر مواصلات جیوترادتیہ سندھیا نے یہاں منعقد ایک تقریب میں کل 7 نئی خدمات کا آغاز کیا اور بی ایس این ایل کے نئے لوگو کی نقاب کشائی کی۔ انہوں نے کہا کہ بی ایس این ایل کے اسپیم بلاک کرنے والے حل خود بخود فشنگ کی کوششوں اور نقصان دہ ایس ایم ایس کو فلٹر کرتے ہیں اور ٹیلی کوم کے صارفین کے لیے ایک محفوظ مواصلاتی ماحول پیدا کرنے کا مقصد رکھتے ہیں۔ خودکار سم کیوسک صارفین 24/7 سمز خریدنے ، اپ گریڈ کرنے ، پورٹ کرنے یا تبدیل کرنے کی اجازت دیتے ہیں، بغیر کسی رکاوٹ کے کے وائی سی انضمام اور کثیر لسانی رسائی کے ساتھ یو پی آئی یا کیو آر- فعال ادائیگیوں کا فائدہ اٹھاسکتے ہیں۔ہندوستان کا پہلا ڈائریکٹ ٹو ڈیوائس کنیکٹیویٹی سولیوشن قابل اعتماد کنیکٹیویٹی فراہم کرنے کے لیے سیٹلائٹ اور ٹیریسٹریل موبائل نیٹ ورکس کو مربوط کرتا ہے ۔ یہ ٹیکنالوجی خاص طور پر ہنگامی حالات اور الگ تھلگ علاقوں میں مفید ہے اور ایسے علاقوں میں یو پی آئی ادائیگیوں کو فعال کر سکتی ہے ۔اس موقع پر خطاب کرتے ہوئے مسٹر سندھیا نے کہا کہ بی ایس این ایل حکومت کا ایک فلیگ شپ انٹرپرائز رہا ہے ، ایک ایسا فلیگ شپ انٹرپرائز جو ہمارے ملک کے ہر ایک شہری کی امنگوں، خوابوں اور توقعات کی نمائندگی کرتا ہے ۔ بی ایس این ایل کئی برسوں سے مختلف سنگ میل حاصل کرتے ہوئے لوگوں کے مفادات کی خدمت کر رہا ہے ۔
