این ایچ آئی ڈی سی ایل نے محکمہ صحت جموں کو 4 ایمبولنسز وقف کیں

 جموں // ڈویژنل کمشنرڈاکٹر راگھو لنگر نے نیشنل ہائی ویز اینڈ انفراسٹرکچر ڈیولپمنٹ کارپوریشن لمیٹڈ (این ایچ آئی ڈی سی ایل) کی جانب سے ڈائریکٹر ہیلتھ سروسز جموں کو چار مکمل طور پر لیس ایمبولینسوں کی چابیاں حوالے کیں۔اس موقع پرصوبائی کمشنر نے خطاب کرتے ہوئے کہا کہ این ایچ ڈی سی ایل کمیونٹی سروس جیسے ہیلتھ کیمپ ، ماحولیات کی صفائی سہولیات ، صاف ستھرا بھارت ابھیان ، وغیرہ کے لئے پوری طرح پرعزم ہے۔کارپوریشن کی جانب سے کی جانے والی کوششوں کی تعریف کرتے ہوئے ڈویژنل کمشنر نے کہا کہ کووڈ 19 وبائی امراض کے دوران ، جموں و کشمیر اور بہت سے ریاستوں کو طبی امداد فراہم کرکے این ایچ ڈی سی ایل نے ایک اہم کردار ادا کیا ہے۔انہوں نے کہا کہ یہ ایمبولینسیں اس صوبے میں طبی امداد فراہم کرنے میں ایک قوت ضرب کے طور پر کام کریں گی اور معمول اور ہنگامی طبی صورتحال کے انتظام میں انتظامیہ کی مدد کریں گی۔جی ایم ، این ایچ آئی ڈی سی ایل نے کہا کہ کارپوریشن آنے والے وقت میں زیادہ سے زیادہ شدت ، عزم اور لگن کے ساتھ جاری رہے گی۔ انہوں نے کہا "ہمارے ہاتھ کھلے اور بڑھے ہوئے ہیں ، ہم باہمی ترقیاتی پروگراموں اور نمو کے ذریعے اپنے لوگوں کی خواہش کو پورا کرنے کی کوششوں کو جاری رکھنے کا عہد کرتے ہیں۔"اس موقع پر این ایچ آئی ڈی سی ایل کے جنرل منیجر کرنل ہیرا لال ، صحت کے اعلی افسران ، این ایچ ڈی سی ایل اور دیگر متعلقہ موجود تھے۔