سرینگر //جموں و کشمیر میں 14دنوں کے بعد کورونا متاثرین کی تعداد ایک مرتبہ پھر سے 30سے زیادہ ہوگئی ہے۔ پچھلے 24گھنٹوں کے دوران کورونا وائرس کی تشخیص کیلئے 35ہزار 823ٹیسٹ کئے گئے جن میں 28مسافروں سمیت مزید 31افراد کی رپورٹیں مثبت آئی ہیں۔ اس سے قبل10مارچ کو جموں و کشمیر میں کورونا متاثرین کی تعداد 35تھی۔ متاثرین کی مجموعی تعداد 4لاکھ 53ہزار 626ہوگئی ہے۔ اس دوران مسلسل 11ویں دن بھی جموں و کشمیر میں کورونا وائرس سے کسی کی موت نہیں ہوئی ہے۔ متوفین کی مجموعی تعداد 4750بنی ہوئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر میں کورونا وائرس سے 31افراد متاثر ہوئے ہیں جن میں جموں میں 1جبکہ کشمیر میں 30افراد مثبت قرار دئے گئے ہیں۔ کشمیر صوبے کے گاندربل ، کولگام ، بانڈی پورہ، شوپیان اور کپوارہ میں کسی کی رپورٹ مثبت نہیں آئی ہے جبکہ دیگر 5اضلاع میں 30افراد کو مثبت قرار دیا گیا ہے۔ کشمیر میں مثبت قرار دئے گئے 30افراد میں سے 28بیرون ریاستوں سے سفر کرکے واپس لوٹے جبکہ دیگر 2افراد مقامی سطح پر رابطے میں آنے کی وجہ سے متاثر ہوئے ہیں۔ کشمیر کے 30متاثرین میں سرینگر میں سب سے زیادہ 30، بارہمولہ میں 2، بڈگام میں 3، پلوامہ میں 1 جبکہ اننت ناگ میں 2افراد کی رپورٹیں مثبت آئی ہیں۔ کشمیر میں متاثرین کی مجموعی تعداد 2لاکھ 87ہزار 381ہوگئی ہے۔ اس دوران وادی میں مسلسل 25ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2423بنی ہوئی ہے۔ جموں صوبے کے ضلع جموں، راجوری، پونچھ، کٹھوعہ، کشتواڑ، سانبہ ، رام بن ، ریاسی اور ڈوڈہ کسی کی رپورٹ مثبت نہیں آئی ہے جبکہ ایک ضلع میں صرف ایک شخص متاثر ہوا ہے۔ جموں صوبے کے ادھمپور ضلع میں ایک شخص مقامی سطح پر رابطے میں آنے کی وجہ سے متاثر ہوا ہے۔ جموں صوبے میں متاثرین کی تعداد 1لاکھ 66ہزار 245بنی ہوئی ہے۔ اس دوران جموں صوبے میں مسلسل 11ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2327ہوگئی ہے۔
۔28مسافروں سمیت 31کورونا مثبت
