پرویز احمد
سرینگر //جموں و کشمیر کے 18اضلاع میںبدھ کو کسی کی رپورٹ مثبت نہیں آئی ہے جبکہ دیگر 2اضلاع میں7افرادکو مثبت قرار دیا گیا ہے۔ متاثرین کی مجموعی تعداد 4لاکھ 54ہزار 125ہوگئی ہے۔ اس دوران جموں و کشمیر میں مسلسل 25ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 4751بنی ہوئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر میں پچھلے 24گھنٹوں کے دوران کورونا وائرس کی تشخیص کیلئے 23 ہزار 497ٹیسٹ کئے گئے جن میں 7افراد کو مثبت قرار دیا گیا ہے۔ مثبت قرار دئے گئے 7افراد میں جموں صوبے میں6جبکہ کشمیر میں ایک کی رپورٹ مثبت قرار دی گئی ہے۔ کشمیر صوبے کے 9اضلاع جن میں سرینگر ، بارہمولہ ، بڑگام، پلوامہ، اننت ناگ، بانڈی پورہ، گاندربل،کولگام اور شوپیان شامل ہیں، میں کسی کی رپورٹ مثبت نہیں آئی ہے جبکہ ضلع کپوارہ میںایک شخص کو مثبت قرار دیا گیا ہے جو مقامی سطح پر رابطے میں آنے کی وجہ سے متاثر ہوا ہے۔ متاثرین کی مجموعی تعداد 2لاکھ 87ہزار 742ہوگئی ہے۔ اس دوران کشمیر صوبے میں مسلسل 66ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2423ہوگئی ہے۔ جموں صوبے کے ادھمپور، راجوری،ڈوڈہ، کٹھوعہ، سانبہ، کشتواڑ، پونچھ، رام بن اور ریاسی میں کسی کی رپورٹ مثبت آئی ہے جبکہ ضلع جموں میں 6افراد کی رپورٹیں مثبت آئی ہیں۔ جموں صوبے میں متاثرین کی مجموعی تعداد 1لاکھ 66ہزار 383ہوگئی ہے۔ اس دوران جموں صوبے میں مسلسل 26ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 3228بنی ہوئی ہے۔
