سرینگر //پچھلے 24گھنٹوں کے دوران جموں و کشمیر میں5خواتین سمیت 9افرادکوروناوائرس سے فوت ہوگئے جبکہ اس دوران24ہزار147تشخیصی ٹیسٹ کئے گئے جن میں 574افراد کی رپورٹیں مثبت آئیں اور اسطرح کووِڈ- 19متاثرین کی مجموعی تعداد 1لاکھ 4ہزار155ہوگئی ہے۔ ان میں 41ہزار302 جموں جبکہ 62ہزار853کشمیر سے تعلق رکھتے ہیں۔ بدھ کو5خواتین سمیت مزید 9افراد کورونا وائرس سے فوت ہوگئے۔ متوفین کی مجموعی تعداد 1613تک پہنچ گئی جن میں 545جموں جبکہ 1068کشمیر سے تعلق رکھتے ہیں۔ نئے 574معاملات میں333کشمیر جبکہ 241جموں صوبے سے تعلق رکھتے ہیں۔ کشمیر کے 333متاثرین میں 136سرینگر، 50بارہمولہ، 46بڈگام، 17پلوامہ، 24کپوارہ، 12اننت ناگ، 17بانڈی پورہ، 28گاندربل، ایک کولگام اور 2شوپیان سے تعلق رکھتے ہیں۔ جموں صوبے کے 241متاثرین میں 96جموں، 7راجوری، 50ادھمپور،25ڈوڈہ، 16کٹھوعہ، 6پونچھ، 9سانبہ، 20کشتواڑ، 10رام بن اور2ریاسی سے تعلق رکھتے ہیں۔
۔ 9فوت
جموں و کشمیر میں وائرس سے مزید 9افراد فوت ہوگئے۔ مرنے والوں میں 5کشمیر جبکہ 4جموں سے تعلق رکھتے ہیں۔ کشمیر میں فوت ہونے والے افراد میں 2سرینگر، ایک پلوامہ، ایک بڈگام اور ایک بارہمولہ سے تعلق رکھتا ہے۔ سرینگر میں تعینات محکمہ صحت کے ایک سینئر ڈاکٹر نے بتایا ’’ مسکین باغ خانیار سے تعلق رکھنے والی ایک 54سالہ خاتون اور بٹہ وارہ سونہ وار سے تعلق رکھنے والی59سالہ خاتون وائرس سے پیدا ہونے والے نمونیا سے فوت ہوگئی ‘‘۔سینئر ڈاکٹر نے بتایا کہ مرنے والوں میں ایک سکمز صورہ جبکہ ایک صدر اسپتال میں فوت ہوگیا ‘‘۔پلوامہ میں تعینات محکمہ صحت کے ایک سینئر ڈاکٹر نے بتایا کہ ووین سے تعلق رکھنے والی ایک 75سالہ معمر خاتون کورونا وائرس سے پیدا ہونے والے نمونیا سے فوت ہوگئی‘‘۔سینئر ڈاکٹر نے بتایا ’’ مذکورہ خاتون کو 3اکتوبر کو صدر اسپتال سرینگر میں داخل کیا گیا تھا جہاں وہ 10دن بعد 13نومبر کو دونوں پھیپھڑوں میں نمونیا سے فوت ہوگئی‘‘۔بڈگام میں تعینات محکمہ صحت کے ایک سینئر ڈاکٹر نے بتایا ’’ ہارون خانصاحب سے تعلق رکھنے والی ایک 65سالہ خاتون کورونا وائرس سے پیدا ہونے والے نمونیا سے صدر اسپتال سرینگر میں فوت ہوگئی ‘‘۔بارہمولہ میں تعینات محکمہ صحت کے ایک سینئر ڈاکٹر نے بتایا کہ پٹن سے تعلق رکھنے والی ایک 59سالہ خاتون کورونا وائرس سے پیدا ہونے والے نمونیا سے جی ایم سی بارہمولہ میں فوت ہوگئی ‘‘۔
حکومتی بیان
؎ سرکاری بلیٹن میں بتایا گیا ہے کہ نوول کورونا وائرس کے1,04,155معاملات سامنے آئے ہیں جن میں سے5,570سرگرم معاملات ہیں ۔ اَب تک96,972اَفراد صحتیاب ہوئے ہیں ۔جموں وکشمیر میں کوروناوائرس سے مرنے والوں کی مجموعی تعداد1,613تک پہنچ گئی ،جن میں سے 1,068کا تعلق کشمیر صوبہ سے اور545کاتعلق جموں صوبہ سے ہیں۔اِس دوران بدھ کومزید580افرادشفایاب ہوئے ہیںجن میںجموں صوبے کے234اَفراداور کشمیر صوبے کے 346اَفرادشامل ہیں۔بلیٹن میں مزید کہا گیا ہے کہ اَب تک 27,01,918ٹیسٹوں کے نتائج دستیاب ہوئے ہیں جن میں سے 18نومبر 2020 کی شام تک 25,97,763نمونوں کی رِپورٹ منفی پائی گئی ہے ۔علاوہ ازیں اَب تک7,42,168افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ اِن میں20,123اَفراد کو ہوم قرنطین میں رکھا گیا ہے جس میں سرکار کی طرف سے چلائے جارہے قرنطین مراکز بھی شامل ہیں ۔5,570 اَفراد کوآئیسولیشن میں رکھا گیا ہے جبکہ33,545اَفراد کو گھروں میں نگرانی میں رکھا گیا ہے۔اِسی طرح بلیٹن کے مطابق6,81,317اَفرادنے 28روزہ نگرانی مدت پوری کی ہے۔
