۔ 7000اسکولوں کی اَپ گریڈیشن کیلئے فنڈز فراہم کئے جائیں گے :لیفٹیننٹ گورنر
سرینگر// لیفٹیننٹ گورنر منوج سنہا نے منگل کو سرینگر میں یوم اساتذہ کی تقریب سے خطاب کرتے ہوئے، لیفٹیننٹ گورنر نے ایک استاد کو ماہرِ جواہر کہا کہ وہ مختلف صلاحیتوں کے حامل ہیروں کو جانچتا اور شکل دیتا ہے۔لیفٹیننٹ گورنر نے کہا، “استاد ایک جوہری ہیں اور قیمتی جواہرات کو بہترین شکل اور چمک دیتے ہیں”۔انہوں نے کہا کہ ایک استاد بیک وقت کئی کردار ادا کرتا ہے، وہ ایک ایکسپلورر ہے، جو طلبا کی شکل میں چھپے ہوئے ہیروں، جواہرات اور موتیوں کو دریافت کرتا ہے۔ لیفٹیننٹ گورنر نے تقریب کے دوران وادی بھر سے ایوارڈ یافتہ11 اساتذہ کو بھی مبارکباد دی۔انہوں نے کہا ’’ استاد اس دنیا کا سب سے بڑا انقلابی اور بہادر انسان ہے، وہ رکاوٹوں، پرانے طریقوں کو توڑتا ہے اور بچوں کو ایک نئی شکل، ایک نئی سمت، ایک نیا عزم اور بچوں کے ذہنوں میں نئی سوچ پیدا کرتا ہے۔ ”
انہوں نے کہا”مجھے یقین ہے کہ آج ہمیں اپنے بچوں میں تخلیقی صلاحیتوں، تجسس، ٹیم ورک، قائدانہ خوبیوں اور ہم آہنگی، بھائی چارے اور ہمدردی کی تہذیبی اقدار کو پیدا کرنے کے لیے اساتذہ کی ضرورت ہے”۔انہوں نے مزید کہا، “ہمیں زندگی بھر کے لیے موثر نقطہ نظر پیدا کرنے کے لیے نئے طریقوں کو تیار کرنے کی ضرورت ہے “۔انہوں نے کہا، ہمیں مسابقت اور تخلیقی صلاحیتوں کے درمیان ٹھیک توازن کی ضرورت ہے۔ لیفٹیننٹ گورنر نے کہا کہ ٹیسٹ مقابلہ پر مبنی نہیں ہونا چاہیے بلکہ یہ اصلیت، تجربہ، تخلیقی اور سائنسی سرگرمی پر مبنی ہونا چاہیے۔انہوں نے کہا کہ تعلیم کا مقصد مسابقتی ذہن پیدا کرنا نہیں بلکہ تخلیقی اور متجسس ذہن پیدا کرنا ہے۔اس موقع پر، انہوں نے اساتذہ کی بے پناہ شراکت اور وقف خدمات کو یاد کیا جو نوجوان ذہنوں کو روشن کر رہے ہیں۔ انہوں نے کہا “ایک استاد کا کردار کلاس روم میں تخلیقی صلاحیتوں کو بھی لانا ہے”۔انہوں نے کہا کہ ایک استاد کو اتنا حوصلہ ہونا چاہیے کہ وہ دقیانوسی تصورات کو توڑ سکے اور نوجوان ذہنوں کو اپنے تخلیقی، اختراعی خیالات اور تنقیدی سوچ کو پروان چڑھانے دیں۔ انہوں نے مزید کہا کہ صرف استاد ہی میں چھپی ہوئی صلاحیتوں کی قدر جاننے کی صلاحیت ہوتی ہے۔لیفٹیننٹ گورنر منوج سنہا نے اس موقع پر یونین ٹیریٹری کے مختلف اسکولوں کے 11 اساتذہ کو مبارکباد دی۔ تعلیمی میدان میں نمایاں خدمات پر پانچ اساتذہ کو چاندی کے تمغے اور 50,000 روپے نقد انعام سے نوازا گیا جبکہ ایک خصوصی ٹیچر سمیت چھ دیگر کو تعریفی اسناد دی گئیں۔لیفٹیننٹ گورنر نے اسکولوں کی اپ گریڈیشن بشمول افرادی قوت اور بنیادی ڈھانچے کو جامع انداز میں کرنے کے لیے انتظامیہ کے عزم کا اعادہ کیا۔ انہوں نے کہا کہ میں آپ کو یقین دلاتا ہوں کہ 7000 ایسے سکولوں کی اپ گریڈیشن کے لیے فنڈز فراہم کیے جائیں گے جن میں بنیادی سہولیات کی کمی ہے۔انہوں نے کہا کہ اس سال 6000 اور اگلے سال 1000 سکولوں کو اپ گریڈ کرنے کا ٹارگٹ ہے۔لیفٹیننٹ گورنر نے کہا کہ اس دن، ہم اپنے عزم کو مضبوط کریں اور اس بات کو یقینی بنائیں کہ ہر بچے، خاص طور پر لڑکیوں کو معیاری تعلیم تک رسائی حاصل ہو۔
