سرینگر //جموں و کشمیر میں پچھلے 24گھنٹوں کے دوران 28ہزار 570تشخیصی ٹیسٹ کئے گئے جن میں 250افراد کی رپورٹیں مثبت آئیں اور اسطرح متاثرین کی مجموعی تعداد 1لاکھ 19 ہزار 53 ہوگئی ہے۔جموں صوبے میں متاثرین کی تعداد 49ہزار کے پار ہوکر 49003جبکہ کشمیر میں متاثرین کی تعداد 70ہزار کے پار ہوکر 70ہزار 50ہوگئی ہے۔ بدھ کو مزید 3افراد کورونا وائرس سے فوت ہوگئے ۔ متوفین کی مجموعی تعداد 1853ہوگئی جن میں 682جموں جبکہ 1171کشمیر صوبے سے تعلق رکھتے ہیں۔ نئے 250معاملات میں 135جموں جبکہ 115کشمیر صوبے سے سامنے آئے ہیں۔ کشمیر صوبے کے 115متاثرین میں 49ضلع سرینگر، 14بارہمولہ، 17بڈگام، 7کپوارہ، 1اننت ناگ، 3بانڈی پورہ، 6گاندربل، 2کولگام اور 3شوپیان سے تعلق رکھتے ہیں۔ جموں صوبے کے 135متاثرین میں 98ضلع جموں، 8ادھمپور، 10راجوری، 5ڈوڈہ،3کٹھوعہ، 1کشتواڑ، 5سانبہ جبکہ ریاسی سے کسی کی بھی رپورٹ مثبت نہیں آئی ہے۔
3اموات
جموں و کشمیر میں بدھ کو کورونا وائرس سے مزید 3افراد فوت ہوگئے۔ مرنے والوں میں 2کشمیر جبکہ ایک جموں صوبے سے تعلق رکھتا ہے۔ کشمیر میں فوت ہونے والے 2متاثرین میں ایک کپوارہ جبکہ ایک بانڈی پورہ سے تعلق رکھتا ہے۔کپوارہ میں تعینات محکمہ صحت کے ایک سینئر ڈاکٹر نے کشمیر عظمیٰ کو بتایا ’’ گلگام کپوارہ سے تعلق رکھنے والا76سالہ شخص کورونا وائرس سے پیدا ہونے والے نمونیا سے صدر اسپتال میں فوت ہوگیا ہے‘‘۔بانڈی پورہ میں تعینات محکمہ صحت کے ایک سینئر ڈاکٹر نے بتایا کہ سمبل سے تعلق رکھنے والا ایک 55سالہ شخص کورونا وائرس سے پیدا ہونے والے نمونیا سے سکمز صورہ میں فوت ہوگیا ہے۔ سینئر ڈاکٹر نے بتایا ’’ مذکورہ شخص کورونا وائرس کے علاوہ ہائی بلڈ پریشر اور دیگر بیماریوں میں مبتلا تھا ‘‘۔ جموں میں بھی کورونا وائرس سے بدھ کو ایک مریض کی موت ہوئی ہے جو ضلع جموں سے تعلق رکھتا ہے۔
حکومتی بیان
بلیٹن میں بتایا گیا ہے کہ نوول کورونا وائرس کے1,19,053معاملات سامنے آئے ہیں جن میں سے3,555سرگرم معاملات ہیں ۔ اَب تک1,13,645اَفراد صحتیاب ہوئے ہیں ۔جموں وکشمیر میں کوروناوائرس سے مرنے والوں کی مجموعی تعداد1,853تک پہنچ گئی ،جن میں سے 1,171کا تعلق کشمیر صوبہ سے اور682کاتعلق جموں صوبہ سے ہیں۔اِس دوران بدھ کو مزید338فرادشفایاب ہوئے ہیںجن میںجموں صوبے کے139اَفراداور کشمیر صوبے کے 199اَفرادشامل ہیں۔بلیٹن میں مزید کہا گیا ہے کہ اَب تک 36,09,605ٹیسٹوں کے نتائج دستیاب ہوئے ہیں جن میں سے 23؍دسمبر 2020 کی شام تک 34,90,552نمونوں کی رِپورٹ منفی پائی گئی ہے ۔علاوہ ازیں اَب تک8,55,949افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ اِن میں19,919اَفراد کو ہوم قرنطین میں رکھا گیا ہے جس میں سرکار کی طرف سے چلائے جارہے قرنطین مراکز بھی شامل ہیں ۔3,555 اَفراد کوآئیسولیشن میں رکھا گیا ہے جبکہ27,573اَفراد کو گھروں میں نگرانی میں رکھا گیا ہے۔اِسی طرح بلیٹن کے مطاب8,03,049اَفرادنے 28روزہ نگرانی مدت پوری کی ہے۔
