سرینگر //جموں و کشمیر میں 14دنوں کے بعد کورونا وائرس سے 3افراد فوت ہوگئے۔ فوت ہونے والے افراد میں ایک جموں جبکہ 2کشمیر سے تعلق رکھتے ہیں۔ اس سے قبل جموں و کشمیر میں یکم نومبر کو کورونا وائرس سے 3افراد فوت ہوگئے تھے۔ اس طرح جموں کشمیر میں متاثرین کی مجموعی تعداد 3لاکھ 34 ہزار 288تک پہنچ گئی ہے۔ اس دوران پچھلے24گھنٹوں کے دوران کورونا وائرس کی تشخیص کیلئے 45ہزار 292 ٹیسٹ کئے گئے جن میں 8مسافروں سمیت مزید 108افرادمتاثرپائے گئے۔ پچھلے 24گھنٹوں کے دوران جموں و کشمیر میں کورونا وائرس سے مزید 108افراد متاثر ہوئے ہیں جن میں جموں میں 19جبکہ کشمیر میں 89متاثر ہوئے ہیں ۔ کشمیر میں متاثر ہونے والے 89افراد میں2بیرون ریاستوں سے سفر کرکے کشمیر پہنچے جبکہ دیگر 87افراد مقامی سطح پر رابطے میں آنے کی وجہ سے متاثر ہوئے ہیں۔ کشمیر میں متاثر ہونے والے 89افراد میں سرینگر میں سب سے 40،بارہمولہ میں 19،بڈگام میں 4،کپوارہ میں 6، اننت ناگ میں 4، بانڈی پورہ میں 4، گاندربل میں 11، کولگام میں 1جبکہ پلوامہ اور شوپیان میں کسی کی رپورٹ مثبت نہیں آئی ہے۔ کشمیر میں متاثرین کی مجموعی تعداد2لاکھ 9ہزار 659تک پہنچ گئی ہے۔ وادی میں پیر کو کورونا وائرس سے2افراد فوت ہوگئے ہیں ۔مرنے والوں میں ایک سرینگر اور ایک بانڈی پورہ سے تعلق رکھتا ہے۔ کشمیر میں متوفین کی مجموعی تعداد2274تک ہوگئی ہے۔ جموں صوبے کے ادھمپور، راجوری، کٹھوعہ، سانبہ،کشتواڑ اور رام بن میں کسی کی رپورٹ مثبت نہیں آئی ہے جبکہ دیگر 4اضلاع میں 19افراد کو مثبت قرار دیا گیا ہے۔ جموں صوبے میں مثبت قرار دئے گئے 19افراد میں6بیرون ریاستوں سے سفر کرکے جموں پہنچے جبکہ دیگر 13افراد مقامی سطح پر رابطے میں آنے کی وجہ سے متاثر ہوئے ہیں۔ جموں صوبے میں مثبت قرار دئے گئے 19افراد میں جموں میں7، ڈوڈہ میں 2،پونچھ میں 4 اور ریاسی میں 6افراد وائرس سے متاثر ہوئے ہیں۔ جموں صوبے میں متاثرین کی مجموعی تعداد 1لاکھ 24ہزار629تک پہنچ گئی ہے۔ اس دوران جموں صوبے میں کورونا وائرس سے مزید ایک شخص فوت ہوگیا ہے۔ جموں صوبے میں متوفین کی مجموعی تعداد 2179تک پہنچ گئی ہے۔
کوروناوائرس کی قہرسامانیاں،14دن بعد 3فوت
