کشتواڑ کے بازاروں میں بچوں کے حقوق اور چائلڈ لیبر کے بارے میں آگاہی فراہم

عاصف بٹ
کشتواڑ//ضلع میں آزادی کا امرت مہواتسو جشن کے ایک حصے کے طور ضلع چائلڈ پروٹیکشن آفس، کشتواڑ نے انٹیگریٹیڈ چائلڈ پروٹیکشن سکیم آئی سی پی ایس کے تحت کشتواڑ کے بازاروں میں چائلڈ لیبر بچوں کے حقوق بشمول چائلڈ لیبر، منشیات کا استعمال اور اسٹریٹ چائلڈ پر لوگوں کو اس بارے میں بیدار کیا۔ڈسٹرکٹ چائلڈ پروٹیکشن آفیسر طارق پرویز قاضی کی نگرانی میں آئی۔سی۔پی۔ایس کی ٹیموں نے لوگوں سے چائلڈ لیبر اور منشیات کے استعمال کے خلاف آواز اٹھانے، بچوں کے حقوق کے تحفظ اور انہیں تعلیم کے حق سے فائدہ اٹھانے کے قابل بنانے کی اپیل کی۔ انہوں نے شرکا کو جووینائل جسٹس سسٹم کے بارے میں آگاہی دی اور بچوں کے حقوق پر توجہ مرکوز کی جیسے کہ قانون کے ساتھ تنازعہ میں نوجوان اور بچوں کو دیکھ بھال اور تحفظ کی ضرورت ہے۔ لوگوں کو آگاہ کرتے ہوئے انہوں نے بتایا کہ حکومت ہند نے بچوں سے متعلق شکایات معلومات کے اندراج کے لیے پہلے ہی چائلڈ لائن نمبر (1098) شروع کیا ہے۔انہوں نے مشورہ دیا کہ وہ بھی معاشرے میں بچوں کی بہتری کے لیے بڑھ چڑھ کر حصہ لیں۔  انہوں نے مزید کہا کہ چائلڈ ویلفیئر کمیٹی کشتواڑ کے سامنے چائلڈ لیبر، بچوں سے بدسلوکی، منشیات کے استعمال اور بچوں سے متعلق دیگر مسائل کے بارے میں معلومات فراہم کرنا یا رجسٹر کرنا شامل ہے۔انہوں نے دکانداروں، ہوٹل والوں، ریسٹورنٹ مالکان کو مشورہ دیا کہ وہ اٹھارہ سال سے کم عمر کے کسی بھی بچے کو کام پر نہ رکھیں اور ٹرکوں اور دیگر گاڑیوں پر سامان کی لوڈنگ اور ان لوڈنگ میں کسی بچے کو شامل نہ کریں۔ڈسٹرکٹ چائلڈ پروٹیکشن آفیسر طارق پرویز قاضی  کی نگرانی میں ائی۔سی۔پی۔ایس  کی ٹیموں نے لوگوں سے چائلڈ لیبر اور منشیات کے استعمال کے خلاف آواز اٹھانے، بچوں کے حقوق کے تحفظ اور انہیں تعلیم کے حق سے فائدہ اٹھانے کے قابل بنانے کی اپیل کی۔