کسانوں کے مسائل اٹھانے پر عہدہ کھونے سے نہیں ڈرتا:ستیہ پال ملک

نیوز ڈیسک
 

حصار// میگھالیہ کے گورنر ستیہ پال ملک نے جمعرات کو کہا کہ وہ کسانوں کے مسائل اٹھانے پر اپنا عہدہ کھونے سے نہیں ڈرتے۔

 

 ملک نے یہاں ایک غیر رسمی بات چیت کے دوران نامہ نگاروں کو بتایا، “میں بنیادی طور پر ایک کسان ہوں۔ میری سیاسی تربیت (سابق وزیر اعظم) چودھری چرن سنگھ سے ہوئی۔ اور اُنہوں نے مجھ سے کہا کہ اگر آپ کو کسانوں کے لیے کچھ چھوڑنا ہے تو چھوڑ دیں، لیکن ان کے لیے لڑیں اور آواز اٹھائیں“۔

 

انہوں نے کہا کہ وہ کسانوں کے مسائل اٹھانے پر اپنا عہدہ کھونے سے نہیں ڈرتے۔

 

ملک نے کہا کہ ریٹائرمنٹ کے بعد ان کے پاس رہنے کے لیے گھر بھی نہیں ہے۔”اس لیے میں ان (مرکز) سے لڑ سکتا ہوں“۔

 

میگھالیہ کے گورنر نے قبل ازیں تین متنازعہ زرعی قوانین کے خلاف کسانوں کی تحریک سے نمٹنے پر مرکز اور وزیر اعظم نریندر مودی پر تنقید کی تھی۔

 

انہوں نے فصلوں کی کم از کم امدادی قیمت کی قانونی ضمانت کے لیے بھی تنقید کی تھی۔

 

ایک سوال کے جواب میں ملک نے کہا کہ تجارت کی شرائط ملک میں کسانوں کے حق میں نہیں ہیں۔

 

ملک سے یہ بھی پوچھا گیا کہ سنٹرل بیورو آف انویسٹی گیشن (سی بی آئی) نے گزشتہ ماہ ان کی طرف سے لگائے گئے اس الزام کی تحقیقات شروع کی تھی کہ جب وہ جموں و کشمیر کے گورنر تھے تو انہیں دو فائلوں کو صاف کرنے کے لیے رشوت کی پیشکش کی گئی تھی۔ جموں و کشمیر کے گورنر کے طور پر اس نے جن فائلوں پر دستخط کیے ہیں، وہ سی بی آئی کی جانچ کے تحت ہوں گے۔ 

 

 ملک نے جواب میں کہا، “مجھے اس سے کوئی مسئلہ نہیں ہے،سی بی آئی نے مجھ سے رابطہ نہیں کیا، میں نے جو کہنا تھا کہہ دیا۔ اگر وہ مجھ سے پوچھیں گے تو میں بتاو¿ں گا، کیونکہ میرے پاس چھپانے کے لیے کچھ نہیں ہے”۔ 

 

اگست 2019 میں سابقہ ریاست کو مرکز کے زیر انتظام علاقوں – جموں و کشمیر اور لداخ – میں تقسیم کرنے سے پہلے ملک جموں و کشمیر کے آخری گورنر تھے۔