عظمیٰ نیوز سروس
سرینگر //چیف آف ڈیفنس اسٹاف(سی ڈی ایس) جنرل انیل چوہان نے جمعرات کو کہا کہ تکنیکی ترقی کی وجہ سے جنگ کی شکل تیزی سے بدل رہی ہے اور ملک کی مسلح افواج کو اس تبدیلی کو قبول کرنے کے لیے تیار رہنا ہوگا۔ چوہان نے جمعرات کو کرگل جنگ( آپریشن وجے) کے تحت ‘ ٹائیگر ہل کی لڑائی’ کی سلور جوبلی یادگاری تقریب سے خطاب کرتے ہوئے کہا، “تکنیکی ترقی کی وجہ سے جنگ کی شکل تیزی سے بدل رہی ہے اور ملک کی مسلح افواج کو اس تبدیلی کو قبول کرنے کے لیے تیار رہنا ہوگا۔” انہوں نے کہا”تبدیلی کا تصور ہمارے صحیفوں میں لکھا گیا ہے، بھگوان کرشنا نے مہابھارت میں ارجن کو بتایا کہ ‘تبدیلی ابدی ہے، تبدیلی فطرت کا قانون ہے اور تبدیلی اس دنیا میں واحد جامد چیز ہے۔’ زندگی میں واحد مستقل ہے’ اور اس وجہ سے ہم اس تبدیلی سے دور نہیں رہ سکتے، “۔چوہان نے’ تولولنگ‘ اور’ ٹائیگر ہل‘ کی لڑائیوں کی بہادری کی کہانیوں کو بھی یاد کیا جو اہم فتوحات کے طور پر نمایاں ہیں جنہوں نے بھارت کے حق میں جوار موڑ دیا۔انہوں نے کہا”آج ہم اس لمحے کو یاد کر رہے ہیں جب 25 سال پہلے ہمارے فوجیوں نے ٹائیگر ہل پر پرچم لہرایا تھا۔ اس فتح نے جنگ کا رخ بدلنے میں اہم کردار ادا کیا ہے‘‘۔جنرل چوہان نے مسلح افواج کی طرف سے حاصل کردہ اعتماد اور وقار کو برقرار رکھنے کی اہمیت پر بھی زور دیا۔سی ڈی ایس نے زور دیا کہ مسلح افواج کو اپنی برتری برقرار رکھنے کے لیے تبدیلی کو قبول کرنا چاہیے۔
