بنگلورو// حجاب معاملے میں کرناٹک ہائی کورٹ کے فیصلے سے سخت ناراض کرناٹک کے اکابر، علماء کرام اور سماجی تنظیموں کی جانب سے ریاست گیر بند منایا گیا جو نہایت ہی پر امن رہا۔بند میں نہ کوئی ریلی نکالی گئی اور نہ ہی کسی قسم کا احتجاج کیا گیا بلکہ ریاست کے امیر شریعت کی کال پر نہ صرف دارالحکومت بنگلور بلکہ ریاست کے تمام ہی اضلاع میں مسلمانوں نے بند کو منظم طریقے سے کامیاب بنایا۔مسلم اکثریتی علاقوں میں دکانیں و تجارتی مراکز مکمل طور پر بند رکھے گئے۔اس سلسلے میں مسلمانوں نے امارت شریعہ کے فیصلے کی حمایت کی اور کہا کہ حجاب کی آڑ میں مسلمانوں کو نشانہ بنایا جا رہا ہے۔دارالحکومت بنگلور میں کسی قسم کی تشدد کی واردات پیش نہیں آئی اور کرناٹک بند مکمل طور پر کامیاب رہا۔
کرناٹک میں بند ،مسلمانوں کے اتحاد کا مظاہرہ
