عظمیٰ نیوز سروس
سرینگر// سیاح کرسمس کا جشن منانے اور نئے سال کا استقبال کرنے کیلئے بڑی تعداد میں کشمیر کا رخ کر رہے ہیں، خاص طور پر برف باری کے پیش نظر آنے والے ہفتوں کے لیے وادی کے مشہور مقامات پر ہوٹلوں کی فل بکنگ ہے۔حکام نے بتایا کہ سیاح کشمیر، خاص طور پر گلمرگ اور پہلگام کا رخ کررہے ہیں۔ گلمرگ اور پہلگام جیسے مقامات پہلے ہی بک چکے ہیں۔ گلمرگ کرسمس اور نئے سال کی شام کے لیے مکمل طور پر فروخت ہو چکا ہے۔محکمہ سیاحت نے نئے سال کا جشن منانے والوں کے تجربے کو تقویت دینے کے لیے مختلف سرگرمیاں ترتیب دی ہیں کیونکہ نئے سال کی شام کے لیے متعدد پروگراموں کی منصوبہ بندی کی گئی ہے، جن میں میوزیکل ایوننگ، پٹاخے کا شو، نائٹ اسکیئنگ اور ٹارچ اسکینگ شامل ہیں۔ گلمرگ میں ہوٹل مکمل طور پر بک ہیں، جبکہ پہلگام اور سرینگر میں بھی اچھا خاصا رش ہے۔ہوٹل دسمبر کے آخری دس دنوں اور جنوری کے پہلے ہفتے کے لیے مکمل طور پر بک ہوتے ہیں۔ دسمبر کے آخر اور جنوری کے لیے بکنگ بہت اچھی ہے۔”کرسمس اور نئے سال کے نمبر بہت اچھے ہیں۔ بکنگ پچھلے سال سے بہتر ہے۔
