پیٹرول اور ڈیزل پھرمہنگا

نئی دلی //ملک میں ایندھن کی قیمتوں میں مسلسل اضافہ ہورہا ہے ، جمعرات کو مسلسل چوتھے روز بھی پیٹرول کی قیمت میں 30پیسے فی لیٹر اور ڈیزل فی لیٹر 35پیسے مزید مہنگا ہوا۔ دہلی میں پٹرول 103.24 روپے فی لیٹر اور ڈیزل 91.77 روپے فی لیٹر کی بلند ترین سطح پر پہنچ گیا ہے۔ پچھلے8 دنوں میں پٹرول 2.05 روپے مہنگا ہو گیا ہے۔ ڈیزل کے بھی 11 دن میں 3.15 روپے فی لیٹر دام بڑھے ہیں۔ممبئی میں پٹرول 109 روپے سے تجاوز کر گیا ہے جبکہ ڈیزل بھی سو روپے کے قریب ہے۔مسلسل چار دن کے اضافے کے بعد، پیر کو ان دونوں کی قیمتوں میں کوئی تبدیلی نہیں کی گئی، لیکن منگل سے ان دونوں کی قیمتوں میں اضافہ جاری ہے۔