پھر پھُوٹا مہنگائی کا بم

نئی دہلی//یو این آئی// قدرتی گیس کی تقسیم کرنے والی کمپنی اندرا پرستھ گیس لمیٹڈ (آئی جی ایل) نے جمعرات کو دہلی میں کمپریسڈ نیچرل گیس (سی این جی) کی قیمت میں 2.5 روپے فی کلو کا اضافہ کیا۔ اپریل میں سی این جی کی قیمتوں میں دوسرے اضافے سے یہاں قیمت 71.61 روپے فی کلو تک پہنچ گئی ہے ۔سی این جی کی قیمتوں میں اضافے کی وجہ سے نوئیڈا، گریٹر نوئیڈا اور غازی آباد میں قیمت 74.17 روپے فی کلو تک پہنچ گئی ہے جبکہ گروگرام میں قیمت 79.94 روپے فی کلو تک پہنچ گئی ہے ۔ائی جی ایل نے بدھ کو دہلی میں گھریلو پائپڈ قدرتی گیس (پی این جی) کی قیمت میں 4.25 روپے فی معیاری کیوبک میٹر (ایس سی ایم) کے اضافے کا اعلان کیا۔کمپنی نے کہا تھا، “لاگت میں اضافے کی وجہ سے ، گھریلو پی این جی کی قیمت میں 4.25 روپے فی سکیم کا اضافہ کیا گیا ہے ، جو جمعرات سے لاگو ہوگا۔ اس اضافے کے بعد، دہلی میں پی این جی کی قیمت 45.86 روپے فی سکیم ہو جائے گی۔ “آئی جی ایل نے رواں ماہ میں دوسری بار پی این جی اور سی این جی کی قیمتوں میں اضافہ کیا ہے ۔یہ بات قابل ذکر ہے کہ یکم اپریل کو آئی جی ایل نے سی این جی کی قیمت میں 80 پیسے فی کلو اور پی این جی کی قیمت میں 5.85 روپے فی کلو اضافہ کیا تھا۔