پٹرول پھر مہنگا ڈیزل کی قیمتیں مستحکم

نئی دہلی// پٹرول کی قیمتوں میں کل مسلسل دوسرے دن اضافہ ہوا، جبکہ ڈیزل کی قیمت میں مسلسل 21ویں روز بھی استحکام رہا۔ملک کی سب سے بڑی آئل مارکیٹنگ کمپنی انڈین آئل کارپوریشن کے مطابق قومی دارالحکومت دہلی میں پٹرول کی قیمت 19پیسے اضافے کے ساتھ 81.19 روپے فی لیٹر ہوگئی۔ یہ 24 اکتوبر 2018 کے بعد کی بلند ترین سطح ہے ۔ کولکتہ اور ممبئی میں بھی اس کی قیمت  19 پیسے اضافے سے بالترتیب 82.72روپے اور 87.87 روپے فی لیٹر ہوگئی۔ چنئی میں پٹرول 17 پیسے 84.26 روپے فی لیٹر پر فروخت ہوا۔دہلی میں ڈیزل کی قیمت 73.56 روپے فی لیٹر پر مستحکم رہی۔ کولکتہ میں اس کی قیمت 77.06 روپے ، چنئی میں 78.86روپے اور ممبئی میں 80.11 روپے فی لیٹر ریکارڈ سطح پر رہی۔