حسین محتشم
پونچھ// سرحدی ضلع پونچھ کے ملحقہ گاؤں کونیاں میں ایک سڑک حادثہ میں رادھے شام مندر کے پجاری بھگوان داس کی موت واقع ہو گئی۔بتایا جا رہا ہے کہ ایک مسافر بس نے ان کو ٹکر مار دی جس کے بعد انہیں زخمی حالت میں راجہ سکھ دیو سنگھ ضلع ہسپتال پہنچایا گیا جہاں ڈاکٹروں نے ان کو مردہ قرار دیا۔بجرنگ دل کے ضلع صدر نیشو گپتا نے بتایا کہ پجاری تقریبا 35 سال سے پونچھ میں لوگوں کی خدمت کر رہے تھے۔ انہوں نے کہا کہ پجاری کی موت سے جو خلہ پیدا ہوا ہے اس سے صدیاں پورا نہیں کر سکتی۔ انہوں نے کہا کہ ان کے لواحقین آ رہے ہیں ان کے آنے کے بعد یہ طے ہو گا کہ پجاری سمادھی لیں گے یا ان کا انتم سنسکار ہوگا۔
