پنجاب انتخابات:300 یونٹ مفت بجلی کے بعد کجریوال کا مفت علاج کابھی وعدہ

نئی دہلی// عام آدمی پارٹی (اے اے پی) کے قومی کنوینر اور دہلی کے وزیر اعلیٰ اروند کیجریوال نے کہا ہے کہ اگر پنجاب میں اے اے پی کی حکومت بنتی ہے تو وہ ہر شخص کو پرائیویٹ اسپتالوں جیسا علاج دیں گے اور اور سرکاری اسپتالوں میں تمام دوائیں، ٹیسٹ، آپریشن مفت ہوں گے ۔  مسٹر کیجریوال نے لدھیانہ ، پنجاب میں صحافیوں سے کہا کہ آج سے پانچ سال پہلے پنجاب کے لوگوں نے بڑی امیدوں کے ساتھ کانگریس پارٹی کی حکومت بنائی تھی ، لیکن آج حکومت کے نام پر کچھ نظر نہیں آرہا ہے ۔ کانگریس کے لوگوں نے حکومت کا تماشا بنا دیا ہے ۔ اقتدار کے لیے گندی لڑائی جاری ہے ۔ ہر کانگریس لیڈر وزیراعلیٰ بننا چاہتا ہے ۔ آپس میں ایسی شدید لڑائی جاری ہے کہ حکومت مکمل طور پر غائب ہے ۔