نئی دہلی// (یو این آئی) کووڈ ویکسینیشن مہم کے تحت ملک بھر میں 181.21 کروڑ سے زیادہ افراد کو کووڈ ویکسین لگائی جاچکی ہے۔صحت اور خاندانی بہبود کی مرکزی وزارت نے اتوار کو یہاں بتایا کہ آج صبح 7 بجے تک 181 کروڑ 21 لاکھ 11 ہزار 675 کووڈ افرد کو ویکسین دی گئی ہیں۔وزارت نے کہا کہ گزشتہ 24 گھنٹوں میں کووڈ کے ایک ہزار 761 نئے مریض سامنے آئے ہیں۔ اس کے ساتھ ہی ملک میں کورونا کے فعال مریضوں کی تعداد 26 ہزار 240 رہ گئی ہے۔ یہ متاثرہ کیسز کا 0.06 فیصد ہے۔ یومیہ کیسز کی شرح 0.41 فیصد تک پہنچ گئی ہے۔وزارت نے کہا کہ اسی مدت میں تین ہزار 196 شفایاب ہونے کے ساتھ ہی اب تک کل چار کروڑ 24 لاکھ 65 ہزار 122 مریض کووڈ سے صحت یاب ہو چکے ہیں اور یہ شرح 98.74 فیصد ہے۔گزشتہ 24 گھنٹوں میں ملک میں چار لاکھ 31 ہزار 973 کووڈ ٹسٹ کیے گئے ہیں۔ ملک میں اب تک کل78 کروڑ 26 لاکھ 60 ہزار 658 کووڈ ٹسٹ کیے جاچکے ہیں۔
ویکسین لینے والوں کی تعداد 181.21کروڑ سے متجاوز
