وزیر داخلہ جموں پہنچ گئے،اعلیٰ سطحی میٹنگ کی صدارت| سیکورٹی صورتحال کا جائزہ لیا

 جموں //سخت حفاظتی انتظامات کے درمیان، مرکزی وزیر داخلہ امیت شاہ دو روزہ دورہ پر جموں پہنچ گئے ہیں۔حکام نے بتایا کہ شاہ دیر شام جموں ہوائی اڈے پر پہنچے اور انہیں فوراً راج بھون لے جایا گیا، جہاںانہوں نے مرکز کے زیر انتظام علاقے میں سیکورٹی کی صورتحال کا جائزہ لینے کے لیے ایک اعلی سطحی میٹنگ کی صدارت کی۔حکام نے بتایا کہ سنگھ، لیفٹیننٹ گورنر منوج سنہا، وزارت داخلہ، جموں و کشمیر پولیس کے اعلی حکام، سینٹرل آرمڈ پولیس فورس (سی اے پی ایف)کے حکام، انٹیلی جنس ایجنسیوں اور سول انتظامیہ کا سیکورٹی جائزہ میٹنگ میں حصہ لینے کی امید ہے۔ یہ اجلاس کشمیر میں تشدد کی سرگرمیوں میں حالیہ اضافے کے پیش نظر اہمیت کا حامل ہے۔اس ماہ وادی میں الگ الگ حملوں میں تین پنچایت ممبران اور دو سیکورٹی اہلکار مارے گئے، جبکہ سیکورٹی فورسز نے گزشتہ9 دنوں کے دوران مختلف مقابلوں میں 11 ملی ٹینٹوں کو بے اثر کیا۔ شاہ ہفتہ کو ایم اے اسٹیڈیم میں سنٹرل ریزروڈ پولیس فورس (سی آر پی ایف کے یوم تاسیس سے خطاب کرنے والے ہیں اس سے پہلے دوپہر میں ایک اعلی سطحی میٹنگ میں ترقیاتی سرگرمیوں کا جائزہ لیں گے۔انہوں نے کہا کہ وزیر داخلہ کا شام کو دہلی واپس آنے سے پہلے مہان پور میں سی آر پی ایف کے اہلکاروں سے ملاقات کے لئے کٹھوعہ جانے کا بھی امکان ہے۔پچھلے پانچ مہینوں میں شاہ کا جموں و کشمیر کا یہ دوسرا دورہ ہے۔وزیر اعظم نریندر مودی کی قیادت میں حکومت ہند جموں و کشمیر کے سیکورٹی اہلکاروں کی فلاح و بہبود کے لیے پرعزم ہے۔ اس عزم کو ظاہر کرتے ہوئے، مرکزی وزیر داخلہ امت شاہ نے جموں میں ہمدردی کی بنیاد پر تقرری کے احکامات جموں و کشمیر پولیس کے چار سیکورٹی اہلکاروں کے لواحقین کو سونپے جو مختلف دہشت گردی کے واقعات میں شہید ہوئے تھے۔ اس موقعہ پر لیفٹیننٹ گورنر منوج سنہا، وزیر مملکت ڈاکٹر جتیندر سنگھ اور جموں و کشمیر پولیس کے ڈی جی پی دلباغ سنگھ موجود تھے۔ امت شاہ نے بعد میں شہید سیکورٹی اہلکاروں کے رشتہ داروں سے بات چیت کی۔ ان کے ساتھ بات چیت کرتے ہوئے انہوں نے کہا کہ جموں و کشمیر پولیس کے ان بہادر سیکورٹی اہلکاروں کی ہمت اور عزم پر پوری قوم کو فخر ہے۔وزیر داخلہ نے متعدد مواقع پر اور متعدد فورمز پر جموں و کشمیر میں امن کی بحالی اور جموں و کشمیر پولیس کے کردار کی تعریف کی ہے۔