نیوز ڈیسک
سرینگر / / سیاحتی مقام یوسمرگ میں مواصلاتی نظام نہ ہونے کے نتیجے میں مقامی آبادی کے ساتھ ساتھ سیلانیوں کو سخت مشکلات کا سامناکرنا پڑرہا ہے ۔مقامی آبادی کا کہنا ہے کہ یوسمرگ اگرچہ اپنی خوبصور تی میں پوری دنیا میں ایک منفرد مقام رکھتاہے تاہم سرکار نے قدرت کے حسن سے مالا مال اس سیاحتی مقام کو پس پشت ڈال کر مکمل طور نظر انداز کیاہے جس کی وجہ سے روزانہ مقامی سیلانیوں میں کافی کمی محسوس کی جارہی ہے جبکہ مواصلاتی نظام کی عدم دستیابی کے باعث مقامی آبادی اور سیلانیوں کو سخت دقتوں کا سامنا کرنا پڑ رہا ہے۔مقامی لوگوں نے سرکار سے مطالبہ کیا ہے کہ یوسمرگ میں موبائل ٹاور نصب کرنے کیلئے فوری کارروائی کی جائے تاکہ مقامی آبادی اور سیلانیوں کو مشکلات کا سامنا نہ کرنا پڑے ۔ سی این آئی
