ملک کی سلامتی اولین ترجیح: راجناتھ سنگھ

حیدرآباد (تلنگانہ)// وزیر دفاع راج ناتھ سنگھ نے ہفتہ کے روز کہا کہ قوم کی سلامتی فوج کی اولین ترجیح ہے جو اسے یقینی بنانے کے لیے پوری طرح پرعزم ہے۔حیدرآباد میں چیتک ہیلی کاپٹرس کے ڈائمنڈ جوبلی کنکلیو سے خطاب کرتے ہوئے سنگھ نے یہ بھی ذکر کیا کہ حکومت نے دفاعی پیداوار میں خود انحصاری پر زور دیا ہے اور"میں اہل وطن کو یقین دلاتا ہوں کہ قوم کی سلامتی ہماری اولین ترجیح ہے اور ہم اسے یقینی بنانے کے لیے پوری طرح پرعزم ہیں۔انہوں نے کہا کہ گزشتہ چند سالوں کے واقعات کو دیکھیں تو ہماری حکومت نے دفاعی پیداوار میں خود انحصاری اور تیاری پر زور دیا ہے۔ ان دنوں ہم نے سپلائی لائنوں کو یقینی بنانے میں بہت سے چیلنجز دیکھے ہیں‘‘ ۔وزیر نے مزید کہا کہ "ہندوستان جیسے بڑے ملک کی حفاظت کا بوجھ دوسرے ممالک کے کندھوں پر زیادہ دیر تک نہیں رہ سکتا" اور "ہمیں اپنی حفاظت کے لیے اپنے کندھوں کو مضبوط کرنا ہوگا‘‘۔وزیر دفاع نے کہا کہ اگر دنیا میں امن قائم کرنا ہے تو اقوام کی سلامتی انتہائی اہمیت کی حامل ہے اور ان کی سلامتی کے لیے عسکری طور پر مضبوط ہونا بہت ضروری ہے۔سنگھ نے زور دے کر کہا کہ مرکزی حکومت نے پچھلے کچھ سالوں میں ایسا ماحول بنایا ہے کہ افواج، سائنس داں اور دفاعی ساز "پرو ایکٹو" سوچ سکتے ہیں۔ وزیر دفاع نے کہا"ہمیں اپنی خدمات، تحقیق اور ترقی کی تنظیموں اور سرکاری اور نجی شعبے کی صنعتوں سے زبردست مثبت ردعمل مل رہا ہے۔ ہمارے MSMEs، سٹارٹ اپس، اختراع کار اور اکیڈمی مل کر دفاعی پیداوار کی نئی راہیں تلاش کر رہے ہیں‘‘ ۔سنگھ نے ذکر کیا کہ ہندوستان نے حال ہی میں 1971 کی 'مکتی جدوجہد' کی 'گولڈن جوبلی' منائی ہے۔وزیر دفاع نے کہایہ جنگ تاریخ کے اوراق میں سنہرے حروف سے لکھی جائے گی۔ اس کے پیمانے کی وجہ سے نہیں، بلکہ اس کے کردار کی وجہ سے۔ اس جنگ کے پیچھے بنیادی مقصد ’انسانیت‘ اور ’جمہوریت‘ کے وقار کا تحفظ کرنا تھا‘‘ ۔