یو این آئی
نئی دہلی // ملک میں گزشتہ 24 گھنٹوں کے دوران کورونا وائرس (کووڈ-19) کے 12,899 نئے کیسز سامنے آئے اور اس کے ساتھ ہی متاثرہ افراد کی تعداد 4 کروڑ 32 لاکھ 96 ہزار 692 تک پہنچ گئی ہے تاہم راحت کی بات یہ ہے کہ اس دوران صحتیاب ہونے والوں کی تعداد میں بھی اضافہ ہوا ہے۔اس دوران کورونا سے 15 افراد کی موت ہوئی ہے اور اب تک اس وبا سے مجموعی طور پر 5 لاکھ 24 ہزار 855 افراد کی موت ہو چکی ہے۔ ملک میں کل 85.78 کروڑ کووڈ ٹیسٹ کیے جا چکے ہیں۔
