ملازمین کی سہ ماہی کارکردگی رپورٹ جمع کرانے کی تاریخ میں 31 مئی تک توسیع

 عظمیٰ نیوز سروس

سرینگر //حکومت جموں و کشمیر کے جنرل ایڈمنسٹریشن ڈیپارٹمنٹ نے کہا ہے کہ ایمپلائیز پرفارمنس مانیٹرنگ سسٹم  پر جموں و کشمیر کے سرکاری ملازمین کی طرف سے سہ ماہی پیش رفت رپورٹ داخل کرنے میں 31مئی تک توسیع کی گئی ہے۔ایک سرکیولر کے ذریعے تمام ملازمین کو اپنی سہ ماہی سیلف اسیسمنٹ رپورٹ جمع کرانے کے لیے جامع ہدایات جاری کی گئی ہیں۔ پہلی سہ ماہی (جنوری-مارچ، کے لیے خود تشخیصی رپورٹ متعلقہ ملازمین کو اپریل 2024 کے پہلے ہفتے تک جمع کرانا ضروری تھا۔تاہم، یہ دیکھا گیا ہے کہ ملازمین کی ایک قابل ذکر تعداد مختلف وجوہات کی بنا پر اپنی رپورٹس پیش نہیں کر سکی۔ مزید برآں، EPM پر سہ ماہی رپورٹ (جنوری-مارچ) کے لیے جمع کرانے کی آخری تاریخ میں توسیع کے لیے مختلف درخواستیں موصول ہوئی ہیں۔اس کے مطابق، پہلی سہ ماہی(جنوری-مارچ، 2024)کے لیے خود تشخیصی رپورٹ جمع کرانے کی آخری تاریخ 31.05.2024 تک بڑھا دی گئی ہے اور ساتھ ہی پہلی سہ ماہی (جنوری-مارچ، )کے لیے رپورٹنگ/کنٹرولنگ افسران کے ذریعے جائزہ لینے کی آخری تاریخ 15جون تک بڑھا دی گئی ہے۔ اس کے علاوہ، غیر رجسٹرڈ ملازمین کو پورٹل پر خود کو رجسٹر کرنے اور اپنی سہ ماہی رپورٹیں مقررہ مدت کے اندر جمع کرنے کی ضرورت ہے۔