سرینگر // جموں و کشمیر میں کورونا وائرس سے مزید 2افراد کی جان گئی ۔ مرنے والوں میں ایک کا تعلق جموں جبکہ ایک کشمیر میں فوت ہوا ہے۔ متوتین کی مجموعی تعداد 4510ہوگئی ہے۔جموں و کشمیر میں کورونا وائرس سے پچھلے دو ہفتوں کے دوران 31متاثرین کی موت ہوئی ہے۔ جموں میں8 جبکہ وادی میں 23 فوت ہوئے ۔3دسمبر کو جموں و کشمیر میں کورونا وائرس سے مرنے والوں کی تعداد 4479تھی جو 17دسمبر کو بڑھ کر 4510ہوگئی۔وادی میں3دسمبرتک 2294افراد کی موت ہوئی تھی جو تعداد 17دسمبرکو 2317تک پہنچ گئی ہے۔ وادی میں فوت ہونے والے 23افراد میں سرینگر میں سب سے زیادہ 11، بارہمولہ میں2، بڈگام میں3، پلوامہ میں 1، اننت ناگ میں 2، بانڈی پورہ میں 3 ، گاندربل میں 1جبکہ کپوارہ ، کولگام اور شوپیان ضلع میں کسی کی موت نہیں ہوئی ۔ جموں صوبے میں 14دنوں کے دوران 8متاثرین کی جان گئی ۔ جموں صوبے میں 3دسمبر کو مرنے والوں کی تعداد 2185تھی جو 17دسمبرتک بڑھ کر 2193تک پہنچ گئی ہے۔ سب سے زیادہ ضلع جموں میں 3، ادھمپور میں 1، راجوری میں 1 اور ڈوڈہ ضلع میں 3افراد کی جان گئی ہے۔ کٹھوعہ، سانبہ، کشتواڑ، پونچھ، رام بن اور ریاسی میں کسی کی موت نہیں ہوئی ۔ پچھلے 24گھنٹوں میں کورونا وائرس کی تشخیص کیلئے59048ٹیسٹ کئے گئے جن میں 3مسافروں سمیت مزید 136افراد کی رپورٹیں مثبت قرار دی گئیں ۔ جموں و کشمیر میں متاثرین کی مجموعی تعداد 3لاکھ 39ہزار 540تک پہنچ گئی ہے۔ جموں میں مزید40جبکہ کشمیر میں 96افراد کی رپورٹیں مثبت قرار دی گئیں ۔ کشمیر میں سبھی 96افراد مقامی سطح پر رابطے میں آنے کی وجہ سے متاثر ہوئے ۔ سرینگر میں سب سے زیادہ 54، بارہمولہ میں 10، بڈگام میں 7، پلوامہ میں 2، کپوارہ میں 4، اننت ناگ میں 4، بانڈی پورہ میں4، گاندربل میں 11جبکہ کولگام اور شوپیان میں کسی کی رپورٹ مثبت نہیں آئی ہے۔ کشمیر میں متاثرین کی مجموعی تعداد 2لاکھ 13ہزار 764تک پہنچ گئی ہے۔ کشمیر میں متوفین کی مجموعی تعداد 2316ہوگئی ہے۔ جموں صوبے کے ادھمپور، سانبہ، رام بن اور ریاسی میں کسی کی رپورٹ مثبت نہیں آئی ہے جبکہ دیگر 6اضلاع میں 40افراد وائرس سے متاثر ہوئے ۔ 40افراد میں 3بیرون ریاستوں سے سفر کرکے جموں پہنچے جبکہ دیگر 33افراد مقامی سطح پر رابطے میں آنے کی وجہ سے متاثر ہوئے ہیں۔ ضلع جموں میں 18، ادھمپور میں 6، راجوری میں 3، ڈوڈہ میں 6،کٹھوعہ میں 5، سانبہ میں 1 اور پونچھ میں 1شخص کی رپورٹ مثبت آئی ہے۔ صوبے میں متاثرین کی مجموعی تعداد 1لاکھ 25ہزار 776تک پہنچ گئی ہے۔ متوفین کی مجموعی تعداد 2193ہوگئی ہے۔
مزید 2کی جان گئی،136متاثر
