محکمہ لیگل میٹرولوجی نے چندر کوٹ میں بازار کا معائنہ کیا

رام بن//ڈپٹی کمشنر رام بن کی ہدایت پر فوڈ سیفٹی اینڈ لیگل میٹرولوجی ڈپارٹمنٹ رام بن نے منگل کو پیرا اور چندر کوٹ علاقوں میں مارکیٹ چیکنگ کی۔ نائب تحصیلدار، چندر کوٹ کی قیادت میں معائنہ کرنے والی ٹیم نے ٹیک آف پوائنٹ این ایچ پیرہ سے چندر کوٹ تک مارکیٹ چیکنگ مہم چلائی اور قوانین کی خلاف ورزی کرنے والے تاجروں سے 6500 روپے کا جرمانہ وصول کیا۔ اسی دوران 100 کلو سے زائد خراب سبزیاں بھی موقع پر ہی ضائع کر دی گئیں۔ اس دوران کھانے پینے کی اشیاء کے دو نمونے بھی لیب ٹیسٹ کے لیے اٹھائے گئے۔ جبکہ فوڈ بزنس آپریٹرز کو ہدایت دی گئی تھی کہ وہ اپنی دکانوں کے سامنے ریٹ لسٹ آویزاں کریں اور کووِڈ کے مناسب رویے پر عمل کریں۔