محکمہ دیہی ترقی کا ڈنسال میں بیداری کیمپ منعقد

جموں //محکمہ دیہی ترقی کی طرف سے چلائے جارہے ایپلائڈ نیوٹریشن پروگرام کے تحت جموں کے ڈنسال بلاک میں بیداری کیمپ منعقد کرکے خواتین کو متوازن غذائیت کے بارے میں جانکاری فراہم کی گئی ۔ کیمپ میں مہمان خصوصی سٹیٹ نیوٹریشن افسر /انچارج آئی ای سی سیل طفیل احمد راٹھور تھے جبکہ پروگرام کی صدارت کے فرائض بلاک ڈیولپمنٹ افسر ڈنسال نے انجام دی ۔اس موقعہ پر آئی ای سی کنسلٹنٹ اعجاز احمد خان بھی موجو د تھے ۔اس دوران جہاں خواتین کو متوازن غذائیت کے بارے میں جانکاری فراہم کی گئی وہیں ان کو محکمہ کی طرف سے چلائی جارہی سکیموں کے بارے میں بھی تفصیل سے بتایاگیا۔اپنے خطاب میں طفیل احمد راٹھو رنے کہاکہ خواتین خاص طور پر حاملہ خواتین کو انہی غذائوں کا استعمال کرناچاہئے جو ان کی صحت کیلئے مفید ہوں ۔ انہوںنے کہاکہ ایک خاتون پورے سماج کیلئے ریڑھ کی ہڈی کی مانند ہوتی ہے اور اس کا صحت مند و تندرست و توانارہنا پورے سماج کیلئے ضروری ہے ۔طفیل احمدنے کہاکہ ایسے کیمپوںسے ملنے والے پیغام کو گھر گھر پہنچایاجائے ۔اعجاز احمد خان نے بھی متوازن غذائیت پر تفصیلی روشنی ڈالی ۔ وہیں اپنے خطاب میں بی ڈی اوڈنسال نے محکمہ کی طرف سے چلائی جارہی سکیموں کے بارے میں جانکاری فراہم کی ۔ انہوںنے کہاکہ لوگوں کو سرکاری سکیموں کا زیادہ سے زیادہ فائدہ اٹھاناچاہئے اور اپنے علاقوں میں اثاثوں کے قیام کے ساتھ ساتھ روزگار کے مواقع بھی پیدا کرنے چاہئیں ۔اس دوران طفیل احمد راٹھور کی قیادت میں محکمہ کی ٹیم نے محکمہ کی طرف سے تعمیر کئے گئے مختلف کاموں کا بھی جائزہ لیا ۔