محبوبہ مفتی کی نظربندی بوکھلاہٹ: پیپلز الائنس امیدوار

ترال //پیپلز ایلائنس کے آری پل ترال ڈی ڈی سی امیدوار منظور احمد گنائی نے پی ڈی پی صدر محبوبہ مفتی کو پلوامہ جانے کے پروگرام کو ناکام بنانے اور گھر میں نظر بند رکھنے پر سخت برہمی کااظہار کیا ہے۔ انہوںنے کہاکہ بھاجپا بوکھلاہٹ کی شکار ہے اوراب وہ گپکار اتحاد کے لیڈران کو گھروںسے باہر جانے نہیں دیتی ۔انہوںنے کہاکہ اب ان لوگوں کو انتخابات سے قبل ہی ہار کا احساس ہوا ہے ۔انہوں نے کہا کہ جہاں ہم جاتے ہیں وہاں لوگ پی ڈی پی صد کو یاد کرتے ہیںجو ان کی کامیابی کی ضمانت ہے ۔انہوںنے حاجن اور ستورہ ترال میں عوامی ریلیوں سے خطاب کرتے ہوئے کہاکہ جیت کی صورت میں آری پل ترال میں تعمیر و ترقی کے حوالے سے نقشہ بدل دوں گا ۔