واشنگٹن//عالمی بینک کے صدر ڈیوڈ مالپس نے جمعرات کو کہا کہ روس کے ساتھ جاری تنازعہ کے درمیان بینک یوکرین کو فوری مالی امداد فراہم کرنے کے لیے تیار ہے۔
مسٹر مالپس نے جمعرات کو ایک بیان میں کہا’’ہم یوکرین کو فوری مدد فراہم کرنے کے لیے تیار ہیں اور اس طرح کی مدد کے لیے دیگر متبادل کی تلاش کر رہے ہیں،جس میں تیزی سے ادائیگی کیا جانا بھی شامل ہے۔ ہمارے ترقیاتی شراکت داروں کے ساتھ ورلڈ بینک گروپ فوری ردعمل کے لیے ہمارے تمام فنانسنگ اور تکنیکی مدد کے آلات استعمال کرے گا‘‘۔
مسٹر مالپس نے کہا کہ عالمی بینک اس وقت یوکرین کے پڑوسی ممالک کے ساتھ ’سرگرم بات چیت‘ میں مصروف ہے تاکہ یوکرین کے لیے حمایت حاصل کرسکے اور اضافی وسائل فراہم کرائے جاسکیں۔
یوکرین میں خود ساختہ جمہوریہ ڈونیٹسک اور لوہانسک نے یوکرین افواج کی جانب کئے جارہے حملوں سے انہیں بچانے کی درخواست کی تو اس کے پیش نظر جمعرات کی صبح روس یہاں خصوصی فوجی آپریشن شروع کیا۔
روسی وزارت دفاع نے اس دوران کہا کہ اس آپریشن کا مقصد یوکرین کے فوجی انفراسٹرکچر کو نشانہ بنانا ہے، اس سے شہریوں کو کوئی خطرہ نہیں ہے۔ ماسکو نے کہا کہ اس کا یوکرین کے ساتھ الحاق کا کوئی منصوبہ نہیں ہے۔
