نئی دہلی // (یو این آئی) صدرجمہوریہ رام ناتھ کووند نے بھائی بہن کے پیاراور اٹوٹ رشتے کی علامت ’رکشا بندھن ‘ کے موقع پرملک کے باشندوں کو مبارکباد دی ہے۔ مسٹر کووند نے اتوار کو ٹویٹ کر کے کہا ’’ ملک کے تمام باشندوں کو رکشا بندھن مبارک۔ یہ تہوار محبت ، پیار اور اعتماد کی علامت ہے‘‘۔ انہوں نے مزید کہا ’’ آئیے ہم ایک ہم آہنگ معاشرے کی تعمیر کا عزم کریں جہاں خواتین کی حفاظت اور عزت کو انتہائی اہمیت دی جائے اور وہ اپنی خواہشات کو آزادانہ طور پر پورا کریں ‘‘۔م اس دوران وزیراعظم نریندرمودی نے ملک کے باشندوں کو رکشا بندھن کے موقع پر مبارکباد دی ہے۔ وزیر اعظم نے اتوار کو ایک ٹویٹ پیغام میں کہا ’’ملک کے تمام باشندوں کو رکشابندھن کے مقدس تہوارپو بہت بہت مبارکباد‘‘۔ بھائی اور بہن کے پیار کی علامت رکشابندھن کے تہوار کو پورے ملک میں دھوم دھام سے منایا جا رہا ہے۔ اس دن بہنیں اپنے بھائیوں کی کلائیوں پر’رکشا ‘کا دھاگہ باندھتی ہیں اور بھائی ان کی حفاظت کا وعدہ کرتے ہیں۔مودی کلیان سنگھ کو خراج عقیدت پیش کرنے کے لیے لکھنؤ جائیں گے
صدر ہند اوروزیر اعظم کی رکشا بندھن کی مبارکباد دی | کووند نے ملک کے باشندوں کو رکشابندھن کی مبارکباد دی
