گاندربل +بارہمولہ+شوپیان+کنگن//وادی کے مختلف مقامات پر پیش آئے سڑک حادثات میں ایک کمسن بچی سمیت 3افراد لقمہ اجل جبکہ متعدد دیگر زخمی ہوگئے ہیں ۔اس سلسلے میں موصولہ تفصیلات کے مطابق شادی پورہ سوناواری کے مقام پر ٹپر اور موٹرسائیکل کے درمیان شدید ٹکر ہونے سے ایک شہری کی موت واقع ہوگئی۔شادی پورہ کے مقام پر ٹپر زیر نمبر JKOIK_7300 کی ٹکر مخالف سمت سے آرہے موٹرسائیکل زیر نمبرJK16_3753 کے ساتھ ہوئی جس کے نتیجے میں موٹرسائیکل ڈرائیور فردوس احمد ڈار ولد محمد مقبول ساکنہ گوگجہ گنڈ گاندربل شدید زخمی ہوگیا مقامی لوگوں کی مدد سے زخمی شہری کو جے وی سی ہسپتال منتقل کیا گیا جہاں پر ڈاکٹروں نے اسے مردہ قرار دیا۔مذکورہ شخص کی لاش جب گھر لائی گئی تو وہاں پر کہرام مچ گیا۔پولیس نے معاملے کی نسبت کیس درج کرکے ٹپر کو اپنی تحویل میں لیکر مفرورٹپر ڈرائیور کی تلاش شروع کردی ۔ادھرشمالی قصبہ پٹن کے پلہالن علاقے میں جمعہ کو شام دیر گئے اُس وقت صف ماتم بچھ گئی جب ایک تیز رفتار نامعلوم گاڑی نے راہ چلتے ایک شخص غلام محی الدین یتو ولد محمد اسماعیل یتو ساکنہ رائے پورہ پلہالن کو اُس وقت ایک تیز رفتار نامعلوم گاڑی نے شدید ٹکرماردی جس کے نتیجے وہ شدید زخمی ہوا ۔مقامی لوگوں کے مطابق اگر چہ مذکورہ شخص کو سب ضلع اسپتال پٹن پہنچایا گیا جہاں ڈاکٹروں اُسے نازک حالت میں سرینگر کے صدر اسپتال منتقل کیا تاہم وہ زخموں کے تاب نہ لاکر دم توڑ بیٹھا۔اس سلسلے میں پٹن پولیس نے ڈرائیور کی تلاش بڑے پیمانے پر شروع کردی ہے جو جائے واردات سے فرار ہونے میں کامیاب ہوا ۔ادھر معلوم ہوا ہے کہ سوپورمیںبھی جمعہ کو شام دیر گئے ایک ٹریکٹرپلٹنے سے دو افراد زخمی ہوئے جنہیں بعد میں سب ضلع اسپتال سوپور پہنچا یا گیا جن کا علاج و معالجہ چل رہا ہے ۔ادھر پولیس ترجمان کے مطابق شوپیان میں کچہ ورہ کے نزدیک تویرہ گاڑی زیر نمبر JK13A/3515 نے ایک معصوم بچی دوہا دختر امل فیضل ساکن چوٹی گام کو ٹکر مار کر شدید طور زخمی کر لیا جس کو علاج ومعالجہ کیلئے ڈسڑکٹ اسپتال شوپیان منتقل کیا جہاں پر وہ زخموں کی تاب نہ لاکر دم توڑ بیٹھی ۔دریں اثناء گاندربل میں پاور ہاوس کے نزدیک سڑک کے ایک حادثے میں ایک 407 گاڑی زیر نمبر 2481/JK16 اُلٹ کر حادثے کا شکار ہوئیجس کے نتیجے میں گاڑی میں سوار 8 افراد زخمی ہوئے جن کو علاج ومعالجہ کیلئے سکمز صورہ منتقل کیاگیا ۔ادھربارہمولہ میں بی ایڈ کالج کانسپورہ کے نزدیک سڑک کے ایک اور حادثے میںایک ٹپر زیر نمبر JK01A/7446 اور ایک تویرہ گاڑی زیر نمبر JK01R/4806 کے بیچ آپس میں ٹکر ہوئی جس کے نتیجے میں تویرہ میں سوار 8 افراد زخمی ہوئے جن کو علاج ومعالجہ کیلئے ڈسڑکٹ اسپتال بارہ مولہ منتقل کیا ۔پولیس نے کیس اندراج کرکے تحقیقات شروع کی ۔اس دوران سرینگر سے کرگل کی طرف آرہی ایک تیل ٹینکر زیر نمبر JK02S/1557 گڑری بال سمبل کے نزدیک ڈرائیور کے قابو سے باہر ہوکر سڑک پر الٹ گئی جس کے نتیجے میں گاڑی کو نقصان پہنچا ۔پولیس کے مطابق گاڑی میں موجود ڈرائیور کو کوئی چوٹ نہیں آئی البتہ سڑک پر کچھ دیر تک ٹریفک کی نقل و حمل مسدود ہوکر رہ گئی۔
شادی پورہ، پلہالن اور شوپیان میں حادثات ، بچی سمیت 3 افراد لقمہ اجل،17 زخمی
