سپورٹس سٹیڈیم کی تعمیر کا کام شروع

 تھنہ منڈی // درہال کی ملہت پنچایت میں سپورٹس سٹیڈیم کے کام کا آغاز ہوا ہے جس کو بنانے کیلئے بلاک ڈولپمنٹ آفیسر درہال نے منریگا سے کچھ رقم واگزار کی ہے تاکہ اسکو استوار کر کے کھیلنے کے قابل بنایا جا سکے۔یوتھ لیڈر مرتضیٰ مرزا نے بتایا کہ یہ سپورٹس سٹیڈیم تقریباً 8 کنال رقبے پر مشتمل ہے جبکہ انتظامیہ کو چاہئے کہ وہ اس سٹیڈیم کو کھیلو انڈیا کے زمرے میں لا کر ایک بہترین سٹیڈیم بنایا جائے تاکہ پورے بلاک کی ٹیمیں یہاں آکر کھیل سکیں۔ یوتھ لیڈر مرتضیٰ مرزا نے بلاک ڈولپمنٹ آفیسر درہال ملکاں کا شکریہ ادا کیا جنہوں نے اس میدان کو ہموار کرنے کیلئے رقومات فراہم کیں جس سے یہ کام ممکن ہوا ہے۔مرزا نے مزید کہا کہ اس میدان کے ٹھیک دوسری جانب تقریباً 10 کنال سرکاری اراضی ہے جس پر بچوں اور بزرگوں کی سیر و تفری کیلئے تفریحی پارک بنایا جا سکتا ہے جس پر غور و خوض اور کام کرنے کی ضرورت ہے۔