عظمیٰ نیوز سروس
سرینگر //جموں کشمیر کے ریاستی درجے کی جلد بحال کا مطالبہ کرتے ہوئے وزیر اعلیٰ کے مشیر ناصر اسلم وانی نے کہا کہ دوہرا کنٹرول سسٹم نقصان پہنچا رہا ہے اور ہم چاہتے ہیں کہ یہ جلد ختم ہو جائے۔ وانی نے ریاست کا درجہ جلد بحال کرنے کی امید ظاہر کی۔وزیر اعظم نریندر مودی کے ذریعہ زیڈ موڑ ٹنل کے افتتاح کے بعد صحافیوں سے بات کرتے ہوئے ناصر اسلم نے کہا’’جموں اور کشمیر کو مرکز کے زیر انتظام علاقے میں نہیں ڈالا جانا چاہئے تھا۔ ہمیں امید ہے کہ ریاست کا درجہ جلدبحال ہو جائے گا‘‘۔ دوہرے کنٹرول سسٹم کو نقصان دہ قرار دیتے ہوئے کہا کہ ’’ہم چاہتے ہیں کہ یہ نظام جلد ختم ہو جائے‘‘۔انہوں نے کہا کہ زیڈ موڑ ٹنل ہر موسم میں رابطہ فراہم کرے گی اورخطے میں سیاحت کو فروغ دینے میں ایک اہم قدم ثابت ہوگا۔