مرکز مثبت جواب نہ دےتو سپریم کورٹ کا دروازہ کھٹکھٹائیں:چدمبرم
سرینگر//کانگریس کے سینئر لیڈراورسابق مرکزی وزیر داخلہ پی چدمبرم نے کہا ہے کہ جموں و کشمیر کی نئی حکومت کو پہلا کام ریاست کی بحالی کا مطالبہ کرنا چاہئے اور ہندوستانی بلاک کی جماعتوں کو اس کی حمایت کرنی چاہئے۔انہوں نے کہا کہ اگر مرکزی حکومت راضی نہیں ہوتی ہے تو انڈیا بلاک کوعدالت سے رجوع کرنا چاہئے کیونکہ مرکزی حکومت نے سپریم کورٹ کے سامنے ریاست کا درجہ بحال کرنے کا وعدہ کیا تھا۔چدمبرم نے ’ایکس ‘پر اپنے ایک پوسٹ میں کہاکہ جموں وکشمیرمیں انتخابی نتائج کے بعد اور نئی حکومت کے اقتدار سنبھالنے سے کچھ دن پہلے، جموں وکشمیرکے ایل جی نے اپنے پاس اختیارات لے لئے ہیں جو لوگوں کے فیصلے کا مذاق اڑاتے ہیں۔پی چدمبرم نے کہاکہ نئی حکومت کا پہلا کام یہ ہونا چاہئے کہ وہ جموں و کشمیر کو ریاست کا درجہ بحال کرنے کا مطالبہ کرے اور تمام انڈیا بلاک جماعتوں کو مطالبے کی حمایت کرنی چاہئے۔کانگریس کے سینئر لیڈر نے اپنی پوسٹ میں کہا کہ مثبت جواب میں ناکام، نئی جموں وکشمیر حکومت کو سپریم کورٹ سے رجوع کرنے میں ہچکچاہٹ محسوس نہیں کرنی چاہئے۔انہوںنے کہاکہ یاد کیجیے کہ سپریم کورٹ کو جموں و کشمیر کی حیثیت میں کمی کی آئینی حیثیت پر فیصلہ نہ کرنے کیلئے قائل کیا گیا تھا ،اور پھر مرکزی حکومت نے بہت جلد ریاست کا درجہ بحال کرنے کا وعدہ کیاتھا۔سابق مرکزی وزیر داخلہ نے کہاکہ اگر مرکزی حکومت ایسا کرنے میں ہچکچاہٹ کا مظاہرہ کرتی ہے، تو یہ اپنے وعدے کی خلاف ورزی کیساتھ ساتھ عدالت کی توہین کے مترادف ہو گی۔
