اشرف چراغ
کپوارہ //شمالی کشمیر کے ہجینار، ٹنگڈارکرناہ سے تعلق رکھنے والے ایک کشمیری نوجوان ظہور احمد شیخ کے روس میں لاپتہ ہونے کی اطلاع ہے، جس سے اس کے اہل خانہ میں گہری تشویش پھیل گئی ہے۔جموں کشمیرسٹوڈنٹ ایسوسی ایشن کے ذریعہ “X” پلیٹ فارم پر دیئے گئے ایک پیغام کے ذریعے، مذکورہ کے اہل خانہ نے وزارت خارجہ سے رابطہ کیا ہے، اور ان پر زور دیا ہے کہ وہ ظہور کو تلاش کرنے اور اس کی محفوظ گھر واپسی کو یقینی بنانے کے لیے ضروری مدد فراہم کریں۔ظہور احمد شیخ، جو پہلے چندی گڑھ میں ملازم تھا، دسمبر 2023 میں دو ساتھیوں ، ارباب اتر پردیش سے اور اسفان حیدرآباد کے ساتھ روس گیا۔ٹویٹ میںایسوسی ایشن نیوزارت خارجہ سے استدعا کی ہے کہ وہ ظہور کی گھر واپسی کو آسان بنانے کے لیے تیزی سے کارروائی کرے۔ایک الگ پیش رفت میں، وزارت خارجہ نے اپنے شہریوں کے لیے ایک احتیاطی ایڈوائزری جاری کی، ان رپورٹس پر غور کیا گیا جس میں روسی فوج کی مدد کے لیے بھرتی کا اشارہ دیا گیا تھا۔ ترجمان رندھیر جیسوال نے احتیاط برتنے کی اہمیت اور روسی حکام کے ساتھ بات چیت میں شامل ہونے کی اہمیت پر زور دیا تاکہ صورتحال کو مثر طریقے سے حل کیا جا سکے۔
