بانہال// جموں سرینگر شاہراہ رام بن کے نزدیک مہاڑ علاقے میںاتوار سہ پہر کے بعد پتھروں کے گرنے کی وجہ سے ٹریفک کی نقل وحرکت بند کی گئی۔ ٹریفک پولیس کنٹرول روم رام بن کے مطابق قریب پانچ بجے سے مہاڑ رام بن کے علاقے میں پتھر گر تے رہے اور سرینگر سے جموں جانے والی گاڑیوں کو رام بن کے علاوہ بانہال اور قاضی گنڈ کے مقامات پر روک دیا گیا ۔ انہوں نے کہا کہ شاہراہ بند ہونے سے پہلے ہی قاضی گنڈ اور ادہمپور کوعبور کرنے کے مقررہ وقت کے اندر چھوڑا گیا ۔ تاہم کچھ مسافر گاڑیاں درماندہ ہیں۔ انہوں نے کہا کہ مہاڑ کے مقام پروقفے وقفے سے پتھر گر رہے تھے اور دھول اور مٹی اڑ رہی تھی جس کی وجہ سے شاہراہ کی بحالی میں دشواری آرہی ہے۔
رام بن کے نزدیک پتھر گرآئے | شاہراہ ٹریفک کیلئے بند
