سرینگر //26دسمبر کی شام سے برفباری اور بارشوں کی پیشگوئی کے بیچ وادی کشمیر میں شبانہ درجہ حرارت میں غیر معمولی بہتری ریکارڈ کی گئی ہے اور گلمرگ و پہلگام کو چھوڑ کر وادی کے کسی بھی علاقے میں شبانہ درجہ حرارت منفی میں درج نہیں ہوا۔
ادھر وادی میں شدید ٹھنڈ کے بیچ محکمہ موسمیات نے 26دسمبر شام سے موسم تبدیل ہونے کی پیشنگوئی کرتے ہوئے کہا ہے کہ 26اور 27دسمبر کی درمیانی شب سے بالائی و میدانی علاقوں میں ہلکی و درمیانہ درجے کی برفباری ہوسکت
وادی کشمیر میں ہڑیوں کو جمادینے والی سردی اور خشک موسم سے اہلیان وادی کو کچھ دنوں بعد راحت ملنے کا امکان ہے ۔محکمہ موسمیات نے پیشنگوئی کی ہے کہ اگرچہ اگلے چند دنوں تک وادی میںموسم خشک رہ سکتا ہے تاہم 26دسمبر شام دیر گئے سے بالائی علاقوں میں درمیانہ سے بھاری برفباری ہوسکتی ہے جبکہ میدانی علاقوں میں ہلکی سے درمیانہ درجے کی برفباری اور ہلکی بونداباندی کا امکان ہے جس سے یخ بستہ ہوائیوں سے نجات مل سکتی ہے ۔ یاد رہے کہ گزشتہ روز سے وادی میں 40روزہ چلہ کلاںشروع ہوا اگرچہ ابتدائی دنوں میں چلہ کلاں میں موسم خشک رہا تاہم شبانہ درجہ حرارت میں مزید گراوٹ دیکھنے کو ملی ۔
شدیدٹھنڈ جاری رہنے کے ساتھ ساتھ اگرچہ دن بھر ہلکی دھوپ نکل آتی ہے تاہم شبانہ درجہ حرارت میں مسلسل گراوٹ آرہی ہے ۔تاہم دوران شب وادی کشمیر میں شبانہ درجہ حرارت میںکچھ حد تک بہتری دیکھنے کو ملی ہے ۔ محکمہ موسمیات کے مطابق سرینگر میں گزشتہ رات کے 2.6 ڈگری سینٹی گریڈ کے مقابلے میں کم سے کم 2.4 ریکارڈ کیا گیا وہی گلمرگ میں پارہ پچھلی رات منفی 3.7 ڈگری سینٹی گریڈ کے مقابلے منفی 5.1 ڈگری سینٹی گریڈ پر رہا۔ قاضی گنڈ میں گزشتہ رات 0.8 ڈگری سینٹی گریڈ کے مقابلے میں کم سے کم 1.2 ڈگری سینٹی گریڈ تھا۔جبکہ پہلگام میں پچھلی رات 0.3 ڈگری سینٹی گریڈ کے مقابلے میں منفی 1.3 ڈگری سینٹی گریڈ ریکارڈ کیا گیا اور 0.4 سینٹی میٹر برفباری ہوئی۔
اسی طرح لداخ خطے کے دراس میں بھی درجہ حرارت بہت ہی حد تک نیچے آگیا ہے ۔ شدید سردی کی وجہ سے شہر سرینگر اور دیگر علاقوں میں آبی ذخائر منجمد ہونے کی اطلاعات موصول ہوئی ہیں۔ ادھر محکمہ موسمیات نے وادی کشمیر میں آئندہ کچھ دنوں تک موسمی صورتحال میں تبدیلی نہ آنے کے امکانات ظاہر کرتے ہوئے بتایا کہ سردی کی لہر میں اضافہ ہو سکتا ہے ۔
محکمہ موسمیات نے پیشنگوئی کی ہے کہ 26دسمبر شام کے بعد موسم تبدیل ہونے کا امکان ہے اور 26دسمبر اور 27دسمبررات کو بالائی و میدانی علاقوںمیںہلکی سے درمیانہ درجے کی برفباری کا امکان ہے اور کشمیر کے میدانی علاقوں میں ہلکی سے درمیانی درجے کی برفباری (2-3 انچ)،جبکہ بالائی علاقوں میں درمیانی حد سے زیادہ (بھاری 1-2 فٹ) برفباری ہو سکتی ہے ۔
