حکومت کا ناگالینڈ، آسام اور منی پور میں افسپا کے دائرہ کار میں کمی کا فیصلہ

 نئی دہلی//مرکزی وزیر داخلہ امت شاہ نے جمعرات کو ناگالینڈ، آسام اور منی پور میں مسلح افواج کے خصوصی اختیارات ایکٹ افسپا کو دہائیوں کے بعد کئی علاقوں سے ہٹانے اور کئی علاقوں میں کم کرنے کا اعلان کیا ہے۔ تاہم وزارت داخلہ کے ترجمان نے کہا کہ اس فیصلے کا مطلب یہ نہیں ہے کہ AFSPA کو تین شورش زدہ ریاستوں سے مکمل طور پر واپس لے لیا گیا ہے لیکن یہ تینوں ریاستوں کے کچھ علاقوں میں نافذ رہے گا۔ٹویٹس کی ایک سیریز میں، شاہ نے کہا: "ایک اہم قدم میں، وزیر اعظم نریندر مودی کی فیصلہ کن قیادت میں حکومت ہند نے ریاستوں میں آرمڈ فورسز اسپیشل پاور ایکٹ (AFSPA) کو کئی علاقوں میںکم کرنے کا فیصلہ کیا ہے۔وزیر داخلہ نے کہا کہ افسپا کے تحت  دہائیوں کے بعد ناگالینڈ، آسام اور منی پورعلاقوں میں کمی مودی حکومت کی طرف سے شورش کو ختم کرنے اور شمال مشرق میں دیرپا امن لانے کے لئے مسلسل کوششوں اور متعدد معاہدوں کی وجہ سے سیکورٹی کی بہتر صورتحال اور تیز رفتار ترقی کا نتیجہ ہے۔انہوں نے کہا کہ وزیر اعظم کی غیر متزلزل عزم کیساتھ شمال مشرقی خطہ، جسے کئی دہائیوں سے نظر انداز کیا گیا تھا، اب امن، خوشحالی اور بے مثال ترقی کے ایک نئے دور کا مشاہدہ کر رہا ہے۔ انہوں نے کہا .AFSPA تین شمال مشرقی ریاستوں میں کئی دہائیوں سے نافذ ہے تاکہ وہاں مسلح افواج کو بغاوت سے نمٹنے میں مدد فراہم کی جا سکے۔AFSPA سیکورٹی فورسز کو آپریشن کرنے اور بغیر کسی پیشگی وارنٹ کے کسی کو گرفتار کرنے کا اختیار دیتا ہے اس کے علاوہ اگر وہ کسی کو گولی مار دیتے ہیں تو سیکورٹی فورسز کو گرفتاری اور مقدمہ چلانے سے استثنی فراہم کرتا ہے۔اس کی مبینہ "سخت" دفعات کے لئے شمال مشرق کے ساتھ ساتھ جموں و کشمیر سے بھی اس قانون کو مکمل طور پر واپس لینے کے لئے احتجاج اور مطالبہ کیا گیا ہے۔